বৰপেটা, ০৩ এপ্ৰিল (হি.স.): বৰপেটা জিলাৰ ছেঙা সমষ্টিৰ অন্তৰ্গত কালাইৰ দিয়াত বিশাল কবি সন্মিলন অনুষ্ঠিত হয়। কালাইৰদিয়া যুৱ মঞ্চৰ উদ্যোগত আয়োজন কৰা দ্বিতীয় বাৰ্ষিক অধিৱেশনত এই বিশাল কবি সন্মিলন । উপস্থিত বিভিন্ন কবি সকলক এখনকৈ জাপি, গামোচা, মানপত্ৰ আৰু কবিতা পুথিৰে আদৰণি জনোৱা হয়।

কবি সন্মিলনত সঞ্চালক প্ৰধান গহেৰ আলী মণ্ডল, আলতাফ হুছেইন মজুমদাৰ, আবুল কালাম আজাদ ফজল হকৰ লগতে বৰপেটা, গোৱালপাৰা আৰু কামৰূপ জিলাৰ ভালে সংখ্যাক কবি এই সন্মিলনত অংশ গ্ৰহণ কৰে। কবি সকলে নিজৰ নিজৰ কবিতা পাঠ কৰি জনসাধাৰণক অসমীয়া ভাষাৰ প্ৰতি আকৰ্ষিত কৰে। কবি সকলে নিজৰ মনৰ ভাৱ কবিতাৰ জৰিয়তে প্ৰকাশ কৰি নতুন পাঠকক কিতাপ পঢ়াৰ বাবে আকৃষ্ট কৰে। লগতে কবি গহেৰ আলী মণ্ডলে কয় যে সকলৰ কবিতাৰ জৰিয়তে মানুহৰ মাজত দেশ প্ৰেমবোধ জাগৰিত হয়। তেওঁলোকৰ লিখনিৰ যোগেদি অসমীয়া সাহিত্যৰ ভঁৰাল টনকিয়াল কৰাৰ আহ্বান জনায়।

হিন্দুস্থান সমাচাৰ / কিশোৰ মিশ্ৰ