কামৰূপ, ০৩ এপ্ৰিল (হি.স.)। হাজো-নলবাৰী সীমান্তৱৰ্তী এলেকা শিয়ালমাৰী চৰত আকৰ্ষণৰ কেন্দ্ৰবিন্দু হৈ পৰে এজাক ৰণুৱা ঘোঁৰা। পবিত্ৰ ঈদ উপলক্ষে শিয়ালমাৰী চৰত অনুষ্ঠিত হৈছে পৰম্পৰাগত ঘোঁৰা দৌৰ প্ৰতিযোগিতা। এই প্ৰতিযোগিতাত অঞ্চলটোৰ কেইবাটাও ঘোঁৰাই অংশ লয়।

কেইবাটাও ৰাউণ্ডৰ তীব্ৰ প্ৰতিযোগিতাৰ অন্তত সোণাৰ পুতুল ঘোঁৰাটোৱে প্ৰথম পুৰস্কাৰ লাভ কৰাৰ বিপৰীতে ৰবাৰ্ট নামৰ ঘোঁৰাটোৱে দ্বিতীয় পুৰস্কাৰ লাভ কৰিবলৈ সক্ষম হয়। ঈদ উপলক্ষে অনুষ্ঠিত এই পৰম্পৰাগত ঘোঁৰা দৌৰ চাবলৈ অঞ্চলটোৰ সহস্ৰাধিক লোক ওলাই অহা পৰিলক্ষিত হয়।

---------------

হিন্দুস্থান সমাচাৰ / প্ৰকাশ ডেকা