কোকৰাঝাৰ, ০৩ এপ্ৰিল (হি.স.): ফকিৰাগ্ৰামত ব্যাপক উলহ মালহৰে চাইতী ষট পূজা উদযাপন কৰা হয়। এই সাংস্কৃতিক উৎসৱ বিশেষকৈ ভাৰতৰ বিহাৰ উত্তৰ প্ৰদেশত অন্যতম যদিও ভাৰতৰ বিভিন্ন প্ৰান্তত এই উৎসৱ পালন কৰা দেখা যায় । সূৰ্য্য এই পূজাৰ আৰোধ্য দেৱতা সূৰ্য্য যিহেতু সূৰ্য্যৰ তাপ আৰু পোহৰ অবিহনে কোনো বীজৰ অংকুৰিত নহয় সেয়েহে সূৰ্য্যক সৰ্বশক্তিমান বুলি জ্ঞান কৰি চাইত মাহত এই পূজাৰ আৰম্ভণি হয় । এই সময়়়ত ভক্ত সকলে বিভিন্ন নিতি নিয়মৰ মাজেৰে পালন কৰি আবেলি নৈৰ ঘাটত সূৰ্য দুবলৈকে কুঁহিয়াৰ, ৰবাব টেঙা, মূলা শাক, বিভিন্ন মিষ্টান্ন আদিৰে সূৰ্য্য দেৱতাক আৰধানা কৰে।
সূৰ্য্য উদয়ৰ প্ৰাক ক্ষণত নতুন বস্ত্ৰ পৰিধান কৰি সূৰ্য্যলৈ দৃষ্টি নিক্ষেপ কৰি নিজকে পানীত ডুবাই সকলোৰে অভিষ্ট সিদ্ধিৰ কামনাৰে ভক্ত সকলে প্ৰাৰ্থনা কৰে। তাৰে লগত সংগতি ৰাখি দেশৰ ভিন্ন প্ৰান্তৰ লগতে কোকৰাঝাৰ জিলাৰ ফকিৰাগ্ৰামত সূৰ্য্য দেৱতাক উপাসনা কৰাৰ উদ্দেশ্যে ষট পূজা ব্যাপক উলহ মালহেৰে উদযাপন কৰে। ফকিৰাগ্ৰামৰ ঐতিয্যমণ্ডিত শিব মন্দিৰৰ নদীৰ পাৰত আয়োজন কৰা ষট পূজাত বিভিন্ন জাতি-ধৰ্ম-বৰ্ণ-ভাষা নিৰ্বিশেষে ভক্তপ্ৰাণ ৰাইজে ষট পূজা এক বিশেষ পৰম্পৰা নীতি নিয়মেৰে পালন কৰে ।
উল্লেখযোগ্য যে এই ষট পূজা পূৰ্বে কেইটামান সম্প্ৰদায়ৰ লোকে পালন কৰিছিল যদিও বৰ্তমানে জাতি-ধৰ্ম-বৰ্ণ-ভাষা নিৰ্বিশেষে সকলো লোকে এই পূজাত অংশগ্ৰহণ কৰা পৰিলক্ষিত হৈছে।
হিন্দুস্থান সমাচাৰ / কিশোৰ মিশ্ৰ
04 Apr 2025