নতুন দিল্লী, ২৫ এপ্ৰিল (হি.স.)। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে পদ্ম বিভূষণ ° কে কস্তুৰীৰংগনৰ মৃত্যুত শোক প্ৰকাশ কৰে। ধৰ্মেন্দ্ৰ প্ৰধানে কয় যে ৰাষ্ট্ৰীয় শিক্ষা নীতি ২০২০ প্ৰস্তুত কৰাত কস্তুৰীৰংগনৰ মূল ভূমিকা তেওঁৰ দৃষ্টিভংগীৰ স্থায়ী সাক্ষ্য, যিটো আগন্তুক প্ৰজন্মৰ বাবে এক পৰিৱৰ্তনশীল উপহাৰ।

তেওঁ কয় যে ইছৰোৰ এক প্ৰসিদ্ধ আৰু আমাৰ শিক্ষা সংস্কাৰৰ পথ প্ৰদৰ্শক পোহৰক হেৰুৱাই ভাৰতে শোক প্ৰকাশ কৰিছে। তেওঁৰ এই উত্তৰাধিকাৰে যুৱ মন আৰু ভৱিষ্যতৰ বিজ্ঞানীসকলক গঢ় দি থাকিব।

কেন্দ্ৰীয় মন্ত্ৰীগৰাকীয়ে এক্সত পোষ্ট কৰি কয় যে পদ্ম বিভূষণ ড° কে কস্তুৰীৰংগনৰ মৃত্যুত মই গভীৰ শোক প্ৰকাশ কৰিছো। তেওঁৰ বিয়োগ কেৱল বিশ্বৰ বৈজ্ঞানিক আৰু শৈক্ষিক সমাজৰ বাবে এক বৃহৎ ক্ষতি নহয়, মোৰ বাবেও এক গভীৰ ব্যক্তিগত ক্ষতি। মোৰ বাবে তেওঁ আছিল এজন গুৰুতকৈও অধিক – তেওঁ আছিল এজন পথ প্ৰদৰ্শক পোহৰ, প্ৰজ্ঞা, মমতা আৰু নিৰৱ শক্তিৰ উৎস। বছৰ বছৰ ধৰি তেওঁৰ মৰম, আশীৰ্বাদ আৰু পথ প্ৰদৰ্শন পাই মই নিজকে সঁচাকৈয়ে সৌভাগ্যৱান বুলি গণ্য কৰোঁ।

তেওঁ কয় যে ড০ কস্তুৰীৰংগন আছিল এজন বৌদ্ধিক বিদ্বান আৰু এজন প্ৰকৃত কৰ্মযোগী – এজন দূৰদৰ্শী যাৰ অৱদানে আধুনিক ভাৰতৰ বৈজ্ঞানিক, শৈক্ষিক আৰু নীতিগত পৰিৱেশৰ স্থাপত্য গঢ় দিছিল। তেওঁ কেৱল এজন মেধাৱী বিজ্ঞানী বা প্ৰখ্যাত নীতি নিৰ্ধাৰক নাছিল, তেওঁ আছিল প্ৰতিটো অৰ্থতে এজন ৰাষ্ট্ৰ নিৰ্মাতা। ৰাষ্ট্ৰীয় শিক্ষা নীতি ২০২০ প্ৰস্তুত কৰাত তেওঁৰ গুৰুত্বপূৰ্ণ ভূমিকা তেওঁৰ দৃষ্টিভংগীৰ স্থায়ী সাক্ষ্য, আগন্তুক প্ৰজন্মৰ বাবে এক পৰিৱৰ্তনশীল উপহাৰ।

তেওঁৰ পৰিয়াল, সহকৰ্মী আৰু তেওঁৰ উপস্থিতিয়ে জীৱন সমৃদ্ধ হোৱা অগণন ছাত্ৰ-ছাত্ৰী, পণ্ডিত আৰু প্ৰশংসকলৈ মোৰ গভীৰ সমবেদনা জ্ঞাপন কৰিছো বুলি প্ৰধানে কয়। তেওঁৰ মহান বুদ্ধিমত্তা, তেওঁৰ শান্ত কিন্তু দৃঢ় নেতৃত্ব আৰু ৰাষ্ট্ৰৰ প্ৰতি তেওঁৰ নিস্বাৰ্থ সেৱাৰ বাবে ভাৰত সদায় ঋণী হৈ থাকিব।

হিন্দুস্থান সমাচাৰ / মনোজ কুমাৰ শইকীয়া