- আই পি অ’ বিনিয়োগকাৰীয়ে প্ৰথম দিনাই ২৩.৫৩ শতাংশ লাভ কৰে

নতুন দিল্লী, ০২ এপ্ৰিল (হি স)। কেফেইন এনহাইড্ৰাছ, গ্ৰীণ কফি বিন এক্সট্ৰেক্টছ আৰু ক্ৰুড কেফেইনৰ নিৰ্মাতা শ্ৰী আহিমছা নেচাৰেলছে আজি ষ্টেলাৰ তালিকাৰে আই পি অ’ বিনিয়োগকাৰীসকলক সুখী কৰি তুলিছে। আজি ষ্টক মাৰ্কেটত প্ৰিমিয়ামত তালিকাভুক্ত হোৱাৰ পিছত ক্ৰয় সমৰ্থনৰ বাবে কম সময়ৰ ভিতৰতে কোম্পানীটোৰ শ্বেয়াৰে উচ্চ চাৰ্কিট স্তৰত উপনীত হয়। আই পি অ’ৰ অধীনত কোম্পানীটোৰ শ্বেয়াৰ ১১৯ টকাকৈ জাৰি কৰা হৈছিল। আজি এন এছ ইৰ এছ এম ই প্লেটফৰ্মত ১৪০ টকা মূল্যত ১৭.৬৫ শতাংশ প্ৰিমিয়ামত তালিকাভুক্ত কৰা হৈছে। তালিকাভুক্ত হোৱাৰ পিছত ক্ৰয়ৰ সহযোগত এই ষ্টক জপিয়াই কম সময়ৰ ভিতৰতে ১৪৭ টকাৰ উচ্চ চাৰ্কিট স্তৰত উপনীত হয়। এইদৰে কোম্পানীটোৰ আই পি অ’ বিনিয়োগকাৰীসকলে প্ৰথম ব্যৱসায়িক দিনটোতেই ২৩.৫৩ শতাংশ লাভ কৰে।

শ্ৰী অহিমছা নেচাৰেলছৰ ৭৩.৮১ কোটি টকাৰ আই পি অ’ ২৫ৰ পৰা ২৭ মাৰ্চৰ ভিতৰত চাবস্ক্ৰিপচনৰ বাবে মুকলি আছিল। এই আই পি অ’ই বিনিয়োগকাৰীৰ পৰা অতিশয় সঁহাৰি লাভ কৰিছিল, যাৰ বাবে ইয়াক সামগ্ৰিকভাৱে ৬২.৭১ বাৰ চাবস্ক্ৰাইব কৰা হৈছিল। ইয়াৰে যোগ্য প্ৰতিষ্ঠানিক ক্ৰেতা (কিউআইবি)ৰ বাবে সংৰক্ষিত অংশ ২১.২৩ বাৰ চাবস্ক্ৰাইব কৰা হৈছিল। একেদৰে অপ্ৰতিষ্ঠানিক বিনিয়োগকাৰী (এন আই আই)ৰ বাবে সংৰক্ষিত অংশই ১৮২.৮২ গুণ চাবস্ক্ৰিপচন লাভ কৰে। ইয়াৰ উপৰিও খুচুৰা বিনিয়োগকাৰীৰ বাবে সংৰক্ষিত অংশ ৩৫.২০ বাৰ চাবস্ক্ৰাইব কৰা হৈছিল। এই আই পি অ’ৰ অধীনত ৫০.০২ কোটি টকাৰ নতুন শ্বেয়াৰ জাৰি কৰা হৈছে। ইয়াৰ উপৰিও অফাৰ ফৰ চেল উইণ্ডোৰ জৰিয়তে ১০ টকাৰ ফেচ ভেলুৰ ১৯,৯৯,২০০ টা শ্বেয়াৰ বিক্ৰী হৈছে। কোম্পানীটোৱে আই পি অ’ৰ জৰিয়তে সংগ্ৰহ কৰা ধনৰ সহায়ত জয়পুৰৰ সাৱৰ্দাত এটা মেনুফেকচাৰিং ইউনিট স্থাপন কৰিব, যাতে ৱৰ্কিং কেপিটেলৰ প্ৰয়োজনীয়তা পূৰণ কৰিব পাৰে ।

কোম্পানীটোৰ আৰ্থিক অৱস্থাৰ কথা ক’বলৈ গ’লে প্ৰস্পেক্টচত কৰা দাবী অনুসৰি ইয়াৰ আৰ্থিক স্বাস্থ্যৰ অহৰহ উঠা-নমা হৈ আহিছে। ২০২১-২২ বিত্তীয় বৰ্ষত কোম্পানীটোৰ নিকা লাভৰ পৰিমাণ ১১.০২ কোটি টকা, যিটো পৰৱৰ্তী বিত্তীয় বৰ্ষ ২০২২-২৩ত ৩৮.২১ কোটি টকালৈ বৃদ্ধি পায়। কিন্তু পৰৱৰ্তী বিত্তীয় বৰ্ষ ২০২৩-২৪ত কোম্পানীটোৰ নিকা লাভ ১৮.৬৭ কোটি টকাৰ স্তৰলৈ হ্ৰাস পায়। যোৱা ২০২৪-২৫ বিত্তীয় বৰ্ষৰ কথা ক’বলৈ গ’লে এই বিত্তীয় বৰ্ষৰ প্ৰথমাৰ্ধত অৰ্থাৎ ২০২৪ চনৰ এপ্ৰিলৰ পৰা ছেপ্টেম্বৰৰ ভিতৰত কোম্পানীটোৰ নিকা লাভ আছিল ৯.৭৪ কোটি টকা। একেদৰে এই সময়ছোৱাত কোম্পানীটোৱে ৪১.৩৭ কোটি টকাৰ ৰাজহ লাভ কৰাত সফল হয়।

हिन्दुस्थान समाचार / মনোজ কুমাৰ শইকীয়া