ছলমান আৰু তেওঁৰ পৰিয়াল অহৰহ এনে ভাবুকিৰ সন্মুখীন হৈ আহিছে। শেহতীয়াকৈ ৱৰ্লি আৰক্ষীয়ে ছলমানৰ গাড়ীত বোমা বিস্ফোৰণৰ সন্দৰ্ভত সতৰ্কবাণীৰে ফোন কল লাভ কৰে। এই সকলোবোৰ নিৰাপত্তাজনিত প্ৰত্যাহ্বানৰ মাজতো কটকটীয়া নিৰাপত্তাৰ মাজতে ছলমানে তেওঁৰ আগন্তুক ছবি ‘চিকন্দৰ’ৰ শ্বুটিং সম্পূৰ্ণ কৰিলে। ছলমান খানক প্ৰায়ে ফিটনেছৰ বাবে ট্ৰ’ল কৰা হয় যদিও এতিয়া তেওঁ বাইচেপছ প্ৰদৰ্শন কৰি এখন শক্তিশালী ফটো শ্বেয়াৰ কৰি ট্ৰ’লসকলক উপযুক্ত উত্তৰ দিছে। তেওঁৰ অনুৰাগীসকলে তেওঁৰ এই ষ্টাইলটো ভাল পাইছে আৰু তেওঁৰ ছবিখন ছ’চিয়েল মিডিয়াত ভাইৰেল হৈ পৰিছে।
শেহতীয়াকৈ ছলমান খানে ইনষ্টাগ্ৰামত এখন ফটো শ্বেয়াৰ কৰিছে। এই ফটোখনৰ সৈতে তেওঁ কেপচনত লিখিছে, প্ৰেৰণা দিয়াৰ বাবে ধন্যবাদ। ছবিবোৰত স্পষ্টকৈ দেখা যায় যে ভাইজানে জিমত ঘাম পেলাইছে আৰু ফিটনেছক লৈ তেওঁ কিমান ছিৰিয়াছ। আন এখন ছবিত ছলমানক অলপ ভাগৰুৱা যেন লাগিলেও তেওঁৰ কঠোৰ পৰিশ্ৰম আৰু উৎসাহ স্পষ্টকৈ দেখা গৈছে। ৫৯ বছৰ বয়সতো তেওঁৰ আচৰিত শৰীৰচৰ্চা দেখি অনুৰাগীসকল স্তম্ভিত হৈ পৰে। এই পোষ্টটোৰ জৰিয়তে তেওঁ পুনৰবাৰ প্ৰমাণ কৰিলে যে ‘টাইগাৰ এতিয়াও জীয়াই আছে’।
ছলমান খানৰ এই পোষ্টটোত দেখা গ’ল বলীউডৰ তাৰকাসকলৰ এক প্ৰচণ্ড প্ৰতিক্ৰিয়া। বৰুণ ধাৱন আৰু ৰাঘৱ জুৱালে প্ৰশংসাৰে মন্তব্য কৰাৰ বিপৰীতে ৰণবীৰ সিঙে ‘হাৰ্ড হাৰ্ড’ লিখি ভাইজানৰ ফিটনেছক চেলুট দিয়ে। ছলমানৰ অনুৰাগীৰ সংখ্যা এতিয়াও অতি শক্তিশালী যদিও বিগত কিছুদিনৰ পৰা তেওঁৰ ছবিসমূহে বক্স অফিচত আশা কৰা ধৰণে প্ৰদৰ্শন কৰা নাই। শেহতীয়াকৈ মুক্তি পোৱা ‘চিকন্দৰ’ইও বিশেষ আলোড়নৰ সৃষ্টি কৰিব নোৱাৰিলে। অৱশ্যে ছলমানে এতিয়া শক্তিশালী প্ৰত্যাৱৰ্তনৰ বাবে প্ৰস্তুতি চলাইছে। অতি সোনকালে তেওঁক ‘টাইগাৰ বনাম পাঠান’, ‘কিক ২’ আৰু সঞ্জয় দত্তৰ সৈতে এটা ডাঙৰ প্ৰজেক্টত দেখা যাব। অনুৰাগীসকলে এতিয়া এই ছবিবোৰৰ পৰা বহুত আশা কৰিছে।
हिन्दुस्थान समाचार / মনোজ কুমাৰ শইকীয়া
