বেংগালুৰু, ১৫ এপ্ৰিল (হি.স.)। আমেৰিকাৰ প্ৰবীণ খেলুৱৈ তথা অলিম্পিক চেম্পিয়ন ডালিলা মহম্মদক টিচিএছ ৱৰ্ল্ড ১০ কে বেংগালুৰু ২০২৫ৰ আন্তঃৰাষ্ট্ৰীয় ইভেণ্ট এম্বেছাদৰ হিচাপে ঘোষণা কৰা হৈছে। ২৭ এপ্ৰিল (দেওবাৰ)ত অনুষ্ঠিত হ’বলগীয়া এই সন্মানীয় দৌৰৰ ১৭ সংখ্যক সংস্কৰণত বিশেষভাৱে অংশগ্ৰহণ কৰিব।
বিশ্বৰ অন্যতম সফল ৪০০ মিটাৰ হাৰ্ডলাৰ ডালিলা মহম্মদ দুবাৰৰ অলিম্পিক পদক বিজয়ী (সোণ–২০১৬, ৰূপ–২০২০) আৰু প্ৰাক্তন বিশ্ব অভিলেখধাৰী। ২০১৯ চনত ইউ এছ এ ট্ৰেক এণ্ড ফিল্ড চেম্পিয়নশ্বিপত ৪০০ মিটাৰ হাৰ্ডলছত বিশ্ব অভিলেখ ভংগ কৰি ২০০৩ চনৰ পৰা থিয় হৈ থকা ৫২.২০ ছেকেণ্ডত দৌৰ সমাপ্ত কৰে। তাৰ পিছত একে বছৰতে ডোহা বিশ্ব চেম্পিয়নশ্বিপত তেওঁ ৫২.১৬ ছেকেণ্ডৰ অভিলেখ গঢ়িছিল। ৰিঅ’ ২০১৬ অলিম্পিকত সোণৰ পদক আৰু টকিঅ’ ২০২০ অলিম্পিকত ৪০০ মিটাৰ হাৰ্ডলছ ফাইনেলত ৫১.৫৮ ছেকেণ্ডৰ আকৰ্ষণীয় সময়েৰে ৰূপৰ পদক লাভ কৰে। সেই ঐতিহাসিক দৌৰত ছিডনী মেকলাফলিনে ৫১.৪৬ ছেকেণ্ডত এক নতুন বিশ্ব অভিলেখ গঢ়িছিল।
ইভেণ্ট এম্বেছাদৰ হিচাপে নিযুক্তি পোৱাত আনন্দ প্ৰকাশ কৰি ডালিলা মহম্মদে কয় যে, “ৱৰ্ল্ড ১০ কে বেংগালুৰুৰ ১৭ সংখ্যক সংস্কৰণৰ আন্তঃৰাষ্ট্ৰীয় ইভেণ্ট এম্বেছাদৰ হিচাপে নিযুক্তি পোৱাত মই সন্মানিত হৈছো। মোৰ দৌৰ যাত্ৰা আৰম্ভ হৈছিল স্থানীয় দৌৰ ক্লাবৰ পৰা আৰু আজিও একে আবেগ অব্যাহত আছে। বেংগালুৰুৰ দৌৰ সম্প্ৰদায়ৰ উৎসাহ আৰু আবেগক প্ৰত্যক্ষ কৰিবলৈ মই আগ্ৰহেৰে আগ্ৰহী।”
ট্ৰেকৰ বাহিৰতো ডালিলা মহম্মদ ক্ৰীড়াৰ বৈচিত্ৰ্য আৰু সম সুযোগৰ সমৰ্থক। কনিষ্ঠ খেলুৱৈসকলক মেণ্টৰ আৰু উৎসাহিত কৰাৰ কামো কৰে।
প্ৰ’কেম ইণ্টাৰনেশ্যনেলৰ যুটীয়া পৰিচালন সঞ্চালক বিবেক সিঙে কয়, “টিচিএছ ৱৰ্ল্ড ১০ কে বেংগালুৰু ২০২৫ৰ আন্তঃৰাষ্ট্ৰীয় ইভেণ্ট এম্বেছাদৰ হিচাপে ডালিলা মহম্মদক আদৰণি জনাই আমি অত্যন্ত গৌৰৱান্বিত। ট্ৰেকত তেওঁৰ কৃতিত্ব আৰু যুৱক-যুৱতীসকলক অনুপ্ৰাণিত কৰাৰ আবেগে তেওঁক এগৰাকী মহান আদৰ্শ কৰি তুলিছে।”
টিএছ এছ ৱৰ্ল্ড ১০কে বেঙ্গালুৰ ২০২৫ ৰ আয়োজন ২৭ এপ্ৰিলত কৰা হ'ব, য'ত মুঠ ২১০,০০০ আমেৰিকান ড'লাৰৰ মুঠ পুৰস্কাৰ ধন থোৱা হৈছে।
हिन्दुस्थान समाचार / মনোজ কুমাৰ শইকীয়া
