নতুন দিল্লী, ১৫ এপ্ৰিল (হি.স.)। শেহতীয়া বি ডব্লিউ এফৰ ৰেংকিঙত মহিলা ডাবলছ যুটি তৃষা জলী আৰু গায়ত্ৰী গোপিচান্দে শীৰ্ষ দহৰ ভিতৰত নিজৰ স্থান অক্ষুণ্ণ ৰখাৰ বিপৰীতে পি ভি সিন্ধু আৰু লক্ষ্য সেনৰ দৰে একক তাৰকা আৰু পিছলি গৈছে।
যোৱা সপ্তাহত চীনৰ নিংবোত অনুষ্ঠিত হোৱা বেডমিণ্টন এছিয়া চেম্পিয়নশ্বিপত অংশগ্ৰহণ নকৰা ত্ৰিছা আৰু গায়ত্ৰীয়ে এটা স্থান পিছলি দশম স্থান লাভ কৰে। অলিম্পিয়ান তানিছা ক্ৰাষ্টো আৰু অশ্বিনী পন্নাপ্পাৰ যুটি ২২ নম্বৰ স্থানত আছে। মহিলা একক শাখাত দুবাৰৰ অলিম্পিক পদক বিজয়ী তথা প্ৰাক্তন বিশ্ব চেম্পিয়ন সিন্ধুৱে চীনত ১৬ ৰাউণ্ডৰ পৰা বাহিৰ হোৱাৰ পিছত ১৭ নম্বৰৰ পৰা ১৮ নম্বৰলৈ নামি আহিছিল। শীৰ্ষ ৫০ ৰ ভিতৰত আন আন ভাৰতীয় দল মালবিকা বনচোদ (২২), ৰক্ষিতা শ্ৰী (৪২), অনুপমা উপাধ্যায় (৪৪ নং) আৰু আকৰ্ষী কাশ্যপ (৪৯ নং)। পুৰুষৰ একক শাখাত পেৰিছ অলিম্পিকত চতুৰ্থ স্থান দখল কৰা লক্ষ্য সেনে প্ৰথম ৰাউণ্ডত পৰাস্ত হোৱাৰ পিছত ১৬ নম্বৰৰ পৰা ১৮ নম্বৰলৈ অৱনমিত হয়। এইচ এছ প্ৰাণয়ো প্ৰথমখন প্ৰতিযোগিতাত পৰাস্ত হৈ ২৯ নম্বৰৰ পৰা ৩০ নম্বৰলৈ নামি আহে।
কিৰণ জৰ্জ (৩৫ নম্বৰ) আৰু প্ৰিয়ংশু ৰাজাৱটে (৩৬ নম্বৰ) ক্ৰমে এটা আৰু দুটা স্থান লাভ কৰে। ত্ৰিছা-গায়ত্ৰীৰ দৰে পুৰুষৰ ডাবলছ যুটি সাতৱিক সাইৰাজ ৰেংকিৰেডী আৰু চিৰাগ শ্বেট্টীয়েও চীনত অংশ লোৱা নাছিল। এটা স্থান হেৰুৱাই ১১ নম্বৰ স্থানত আছে এই যুটি। চীনত কোৱাৰ্টাৰ ফাইনেলত প্ৰৱেশ কৰা একমাত্ৰ ভাৰতীয় তনিষা আৰু ধ্ৰুৱ কপিলাৰ মিক্সড ডাবলছৰ যুটিটোৱে এক স্থান বৃদ্ধি কৰি ১৭ নম্বৰ স্থান লাভ কৰে।
हिन्दुस्थान समाचार / মনোজ কুমাৰ শইকীয়া
