নতুন দিল্লী, ১৪ মাৰ্চ (হি.স.)। ৱৰ্ল্ড পেৰা এথলেটিকছ গ্ৰেণ্ড প্ৰিক্স ২০২৫ত ভাৰতে চমকপ্ৰদ প্ৰদৰ্শন কৰি মুঠ ১৩৪টা পদক (৪৫টা সোণ, ৪০টা ৰূপ আৰু ৪৯টা ব্ৰঞ্জ) লাভ কৰি পদকৰ সংখ্যাত শীৰ্ষস্থান দখল কৰে। এই সন্মানীয় প্ৰতিযোগিতাত ভাৰতীয় খেলুৱৈসকলে ট্ৰেক এণ্ড ফিল্ড ইভেণ্টত উজ্জ্বল প্ৰদৰ্শন কৰি নিজৰ শক্তি, গভীৰতা আৰু দৃঢ়তা প্ৰদৰ্শন কৰে।

প্ৰতিযোগিতাৰ অন্তিম দিনটোৰ মূল ফলাফল:

মহিলাৰ ২০০ মিটাৰ টি৩৫–টি৩৮ঃ অষ্ট্ৰেলিয়াৰ ৰিয়ানন ক্লাৰ্কে সোণৰ পদক লাভ কৰাৰ বিপৰীতে নিউট্ৰেল পেৰা এথলীটৰ মাৰ্গাৰিটা গনচাৰোভাই ৰূপ আৰু ভাৰতৰ প্ৰীতি পালে ব্ৰঞ্জৰ পদক লাভ কৰে।

মহিলাৰ লং জাম্প টি৩৮, টি৪৪, টি৬১: অষ্ট্ৰেলিয়াৰ প্ৰবীণ খেলুৱৈ ভেনেছা ল’ৱে ৪.৯৬ মিটাৰ জপিয়াই সোণৰ পদক লাভ কৰে। ঝননা ফেকোলিনাই ৰূপৰ পদক লাভ কৰাৰ বিপৰীতে ভাৰতৰ ভৱানী মুনিয়াণ্ডীয়ে ৩.৫১ মিটাৰ জাম্প কৰি ব্ৰঞ্জৰ পদক লাভ কৰে।

পুৰুষৰ শ্বট পুট এফ৪০-এফ৪১: নিউট্ৰেল পেৰা এথলীটছৰ ডেনিছ গনেজডিলভে সোণ, ইয়াল ছিভচেভে ৰূপ, আৰু ভাৰতৰ ৰবি ৰেংগোলিয়ে ব্ৰঞ্জৰ পদক লাভ কৰে।

পুৰুষৰ ২০০ মিটাৰ টি৩৫ঃ নিউট্ৰেল পেৰা এথলীটছৰ দিমিত্ৰী ছাফ্ৰনভে ২৪.২০ ছেকেণ্ডত সোণৰ পদক লাভ কৰাৰ বিপৰীতে ভাৰতৰ বিনয়ে (২৯.৫৮ ছেকেণ্ড) ৰূপৰ আৰু অভিষেক বাবাছাহেব জাধৱে (৩১.৫৫ ছেকেণ্ড) ব্ৰঞ্জৰ পদক লাভ কৰে।

পুৰুষৰ ২০০ মিটাৰ টি৩৭ঃ নিৰপেক্ষ পেৰা এথলীটে এই ইভেণ্টত সোণ, ৰূপ আৰু ব্ৰঞ্জৰ পদক লাভ কৰি ক্লিন ছুইপ কৰে।

পুৰুষৰ শ্বট পুট এফ১১-এফ২০: ভাৰতৰ সাগৰে ১১.৪৭ মিটাৰ থ্ৰ’ৰে সোণৰ পদক লাভ কৰাৰ বিপৰীতে জাংকা সিঙে (৯.৯১ মিটাৰ) ৰূপ আৰু বালাজী ৰাজেন্দ্ৰনে (৯.৮৯ মিটাৰ) ব্ৰঞ্জৰ পদক লাভ কৰে।

মহিলাৰ লং জাম্প টি২০–টি৩৭: ইৰিনা সাপান্জাই (৫.৩৫ মিটাৰ) সোণ, ভেলেন্টিনাই (৫.১৬ মিটাৰ) ৰূপ আৰু ভাৰতৰ ভূমি আগৰৱালাই (৪.১৬ মিটাৰ) ব্ৰঞ্জৰ পদক লাভ কৰে।

পুৰুষৰ শ্বট পুট এফ৩৩-এফ৩৪: উজবেকিস্তানৰ ছাৰভাৰবেক আৰু হুছেইনে ক্ৰমে স্বৰ্ণ আৰু ব্ৰঞ্জৰ পদক লাভ কৰাৰ বিপৰীতে ভাৰতৰ দেৱৰ্শীয়ে ৰূপৰ পদক লাভ কৰে।

পুৰুষৰ ২০০ মিটাৰ টি৪৪ঃ ভাৰতৰ মিট ভাৰতভাই পেটেলে ২৬.৬৮ ছেকেণ্ডত ৰূপৰ পদক লাভ কৰাৰ বিপৰীতে অংকুৰে নিজৰ শাখাত ৩১.২৩ ছেকেণ্ডত ৰূপৰ পদক লাভ কৰে।

পুৰুষৰ ২০০ মিটাৰ টি৬১–টি৬৪ঃ জাপানৰ য়ুমা তামাকিয়ে ২৪.১৬ ছেকেণ্ডত সোণৰ পদক লাভ কৰাৰ বিপৰীতে ভাৰতৰ প্ৰণৱ প্ৰশান্তই (২৪.৭৫ ছেকেণ্ড) ৰূপৰ পদক আৰু নৰেশে ব্ৰঞ্জৰ পদক লাভ কৰে।

মহিলাৰ ডিস্কছ থ্ৰ’ এফ৫৬-এফ৫৭: ভাৰতৰ ফাতিমা, সুমন বালা আৰু আশা জলন্ধাৰে ক্ৰমে সোণ, ৰূপ আৰু ব্ৰঞ্জৰ পদক লাভ কৰি ক্লিন ছুইপ কৰে।

পুৰুষৰ শ্বট পুট এফ৩৫-এফ৩৭: উজবেকিস্তানৰ কুড্ৰাটিলোখনে (১৪.৮৯ মিটাৰ) সোণ, এলান কোকোইটিয়ে (১৪.৬৮ মিটাৰ) ৰূপৰ পদক, নিউট্ৰেল পেৰা এথলীটৰ এলবাৰ্টে ব্ৰঞ্জৰ পদক লাভ কৰে।

পুৰুষৰ ৫০০০ মিটাৰ টি১১–টি১২ঃ ভাৰতে আন এক ক্লীন ছুইপ কৰি শৰথ (সোণ), সৌৰভ (ৰূপ) আৰু অংকুৰ (ব্ৰঞ্জ) প’ডিয়ামত স্থান লাভ কৰে।

ভাৰতৰ এই উল্লেখযোগ্য কৃতিত্বই পদকৰ সংখ্যাত শীৰ্ষস্থান দখল কৰাত সহায় কৰাই নহয়, পেৰা এথলেটিকছৰ বিশ্ব শক্তি হিচাপে দেশখনে উত্থাপিত হৈছে বুলিও প্ৰমাণ কৰিলে। ভেনেছা ল’ৰ দৰে কিংবদন্তি আন্তঃৰাষ্ট্ৰীয় খেলুৱৈৰ উপস্থিতি আৰু ভাৰতৰ যুৱ পেৰা খেলুৱৈসকলৰ শক্তিশালী প্ৰদৰ্শনে গ্ৰেণ্ড প্ৰিক্সক অন্তৰ্ভুক্তি, দৃঢ়তা আৰু ক্ৰীড়াৰ উৎকৃষ্টতাৰ উৎসৱন কৰি তুলিছিল।

হিন্দুস্থান সমাচাৰ / মনোজ কুমাৰ শইকীয়া