কামৰূপ, ১৪ মাৰ্চ (হি.স.): কামৰূপ জিলাৰ বাইহাটা চাৰিআলিৰ অন্তৰ্গত কলাজল চকৰ সমীপৰ পাৰ্কিঙত এজন যুৱকৰ দুৰ্ঘটনাত মৃত্যু হয়। যুৱকগৰাকী বাইহাটা চাৰিআলিৰ ননৰা গাঁৱৰ কৈলাশ ডেকাৰ একমাত্ৰ পুত্ৰ প্ৰাণজিৎ ডেকা । অকালতে মৃত্যুক সাৱটিলে ১৯ বছৰীয়া প্ৰাণজিৎ ডেকাই ।

পাৰ্কিঙত কাম কৰি থকা অৱস্থাত যুৱকগৰাকী চলন্ত ট্ৰেক্টৰৰ পৰা পৰি শিলত মূৰ লাগি আঘাত প্ৰাপ্ত হয় আৰু যুৱকগৰাকীৰ গাৰ ওপৰেৰে ট্ৰেক্টৰ পাৰ হৈ যায় । ততাতয়াকৈ ওচৰৰে ব্যক্তিগত চিকিৎসালয়লৈ প্ৰেৰণ কৰে যদিও চিকিৎসকে মৃত বুলি ঘোষণা কৰে । দৰিদ্ৰ পৰিয়ালৰ একমাত্ৰ সন্তান প্ৰাণজিৎ ডেকাই ঘৰ খন পোহ পাল দিবৰ বাবে প্ৰায় ২০ দিন মান আগতে পাৰ্কিঙত কামত সোমাইছিল। কিন্তু বৃহস্পতিবাৰে নিশাৰ ভাগত দুৰ্ঘটনাত মৃত্যুক আঁকোৱালি লয় ১৯ বছৰীয়া প্ৰাণজিত ডেকাই।

হিন্দুস্থান সমাচাৰ / কিশোৰ মিশ্ৰ