- সুধাংশু ত্ৰিবেদীয়ে ক'লে, গলৱান উপত্যকাত প্ৰাণ আহুতি দিয়া সৈনিক সকলক এয়া অপমান

নতুন দিল্লী, ১৭ ফেব্ৰুৱাৰী (হি.স.)। ভাৰতীয় বৈদেশিক কংগ্ৰেছ (ইণ্ডিয়ান অভাৰচিজ কংগ্ৰেছ)ৰ মুৰব্বী ছেম পিট্ৰ’ডাই চীনৰ সমৰ্থনত দিয়া বক্তব্যক লৈ তীব্ৰ প্ৰতিক্ৰিয়া প্ৰকাশ কৰিছে ভাৰতীয় জনতা পাৰ্টিয়ে। সোমবাৰে বিজেপিৰ মুখ্য কাৰ্যালয়ত অনুষ্ঠিত এক সংবাদমেলত ৰাষ্ট্ৰীয় মুখপাত্ৰ তথা সাংসদ সুধাংশু ত্ৰিবেদীয়ে ছেম পিট্ৰ’ডাৰ এই বক্তব্যক গলৱান উপত্যকাত প্ৰাণ আহুতি দিয়া জোৱানৰ প্ৰতি অপমান বুলি অভিহিত কৰে।

সুধাংশু ত্ৰিবেদীয়ে কয় যে ছেম পিট্ৰ’ডাৰ বক্তব্যৰ গীতৰ কথা নিশ্চিতভাৱে ছেম পিট্ৰ’ডাৰ নিজৰ যদিও সংগীত জৰ্জ ছ’ৰ’ছৰ। ছেম পিট্ৰ’ডা ৰাহুল গান্ধীৰ গুৰু ৷ ৰাহুল গান্ধীয়ে চীনৰ পিপলছ লিবাৰেশ্যন পাৰ্টিৰ সৈতেও এক গোপন চুক্তি স্বাক্ষৰ কৰিছে। ৰাজীৱ গান্ধীয়ে চীনৰ পৰা ধন লৈছিল। জৱাহৰলাল নেহৰুৱে আকচাই চিন আৰু ইউএনএছচিত ভাৰতৰ আসন চীনক দিলে। কংগ্ৰেছ আৰু চীনৰ বন্ধুত্ব যথেষ্ট পুৰণি। ৰাজীৱ গান্ধী ফাউণ্ডেচনক দিয়া ঋণৰ হেঁচাত এই কথা কৈছে বুলিও তেওঁ কয়। এয়া গা়লৱান শ্বহীদক অপমান হয় নে নহয়?

বিজেপিৰ মুখপাত্ৰই কয় যে নৰেন্দ্ৰ মোডীৰ নেতৃত্বত ভাৰত বিশ্ব মঞ্চত শক্তিশালী হৈ উঠিছে। এনে পৰিস্থিতিত বহু শক্তিয়ে ইয়াক ৰোধ কৰাৰ ষড়যন্ত্ৰ কৰিছে। বিদেশ কংগ্ৰেছৰ সভাপতি ছেম পিট্ৰ’ডাৰ বিবৃতিত চীনৰ সৈতে সম্পৰ্ক প্ৰকাশ কৰা হৈছে। এয়া ভাৰতৰ পৰিচয়ৰ ওপৰত গভীৰ আঘাত। তেওঁ কয় যে চীনৰ সৈতে কোনো বিবাদ নাই। এয়া কোনো বিচ্ছিন্ন চিন্তা নহয়। ৰাহুল গান্ধীয়েও এনেধৰণৰ বহু বক্তব্য দাঙি ধৰিছে।

ভাৰতৰ নিৰ্বাচনী প্ৰক্ৰিয়াক প্ৰভাৱিত কৰিবলৈ মিত্ৰতা গঠন কৰা হৈছে বুলি অভিযোগ উত্থাপন কৰে সুধাংশুৱে। ইয়াৰ পৰাও গৌৰৱ গগৈৰ সংযোগ স্পষ্ট হৈ পৰিছে। বিদেশী শক্তিৰ প্ৰতি কংগ্ৰেছৰ এখন প্ৰেমৰ দোকান আছে। ইয়াৰ উপৰিও ভাৰতত যুদ্ধৰ উচটনি দিয়াৰ কামো কৰে। ৰাহুল গান্ধীৰ এই বক্তব্যৰ উদ্দেশ্য হৈছে ভাৰতৰ সাৰ্বভৌমত্বক প্ৰভাৱিত কৰা।

উল্লেখযোগ্য যে ভাৰতীয় বৈদেশিক কংগ্ৰেছৰ মুৰব্বী ছেম পিট্ৰ’ডাই কৈছিল যে চীনৰ পৰা অহা ভাবুকি মই বুজিব পৰা নাই। মই ভাবো এই বিষয়টো প্ৰায়ে অতিৰঞ্জিত কৰি প্ৰচাৰ কৰা হয়, কাৰণ আমেৰিকাৰ শত্ৰুক সংজ্ঞায়িত কৰাৰ প্ৰৱণতা আছে। মোৰ বিশ্বাস এতিয়া সংঘৰ্ষৰ পৰিৱৰ্তে সকলো দেশে ইজনে সিজনক সহযোগ কৰাৰ সময়। আমাৰ দৃষ্টিভংগী আৰম্ভণিৰে পৰাই সংঘাতপূৰ্ণ আৰু এই মনোভাৱে শত্ৰুৰ সৃষ্টি কৰে, যিয়ে পাছলৈ দেশৰ ভিতৰতে সমৰ্থন লাভ কৰে। আমি এই মানসিকতা সলনি কৰি প্ৰথম দিনাৰ পৰাই চীনক শত্ৰু বুলি বিশ্বাস কৰাটো বন্ধ কৰিব লাগিব। এইটো কেৱল চীনৰ বাবেই নহয়, সকলোৰে প্ৰতি অন্যায়।

হিন্দুস্থান সমাচাৰ / মনোজ কুমাৰ শইকীয়া