নতুন দিল্লী, ০৭ ডিচেম্বৰ (হি.স.)। মানৱ অধিকাৰ দিৱস উপলক্ষে অহা ১০ ডিচেম্বৰত নতুন দিল্লীত এক অনুষ্ঠানৰ আয়োজন কৰিব ৰাষ্ট্ৰীয় মানৱ অধিকাৰ আয়োগে। মুখ্য অতিথি হিচাপে উপস্থিত থাকিব ৰাষ্ট্ৰপতি দ্ৰৌপদী মুৰ্মু।

এন এইচ আৰ চিৰ মতে, এইবাৰৰ ৰাষ্ট্ৰসংঘৰ মানৱ অধিকাৰ দিৱসৰ বিষয়বস্তু দৈনন্দিন প্ৰয়োজনীয় বস্তুৰ সৈতে সংগতি ৰাখি আয়োগে জনসেৱা আৰু সকলোৰে বাবে মৰ্যাদা শীৰ্ষক এক ৰাষ্ট্ৰীয় সন্মিলনৰো আয়োজন কৰিব। প্ৰধানমন্ত্ৰীৰ প্ৰধান সচিব ডাঃ পি.কে. মিশ্ৰই মুখ্য ভাষণ প্ৰদান কৰিব। এই সন্মিলনত মানৱ অধিকাৰৰ দৃষ্টিকোণৰ পৰা স্বাস্থ্য, শিক্ষা, গৃহ নিৰ্মাণ, ন্যায়, আৰ্থিক অন্তৰ্ভুক্তি, সামাজিক সুৰক্ষাৰ দৰে মৌলিক সেৱাসমূহৰ বিষয়ে আলোচনা কৰা হ’ব।

এন এইচ আৰ চিৰ অনুষ্ঠানত আয়োগৰ অধ্যক্ষ ন্যায়াধীশ ভি ৰামাসুব্ৰমণিয়ান, আয়োগৰ সদস্য, কেন্দ্ৰীয় চৰকাৰৰ জ্যেষ্ঠ বিষয়া, কূটনীতিবিদ, ৰাষ্ট্ৰসংঘৰ প্ৰতিনিধি, শিক্ষাবিদ, আৰু সমাজকৰ্মীসকল উপস্থিত থাকিব।

উল্লেখযোগ্য যে ১৯৯৩ চনৰ ১২ অক্টোবৰত ৰাষ্ট্ৰীয় মানৱ অধিকাৰ আয়োগ গঠন কৰা হৈছিল। আজিলৈকে আয়োগে ২৩.৮ মিলিয়নতকৈ অধিক মানৱ অধিকাৰ উলংঘাৰ গোচৰ পঞ্জীয়ন কৰিছে আৰু ২৬৪ কোটি ₹তকৈ অধিক সাহায্য ক্ষতিপূৰণৰ পৰামৰ্শ দিছে। শিবিৰ, মুকলি শুনানি, ছুঅ’ মোটু কগনিজেন্স, আৰু নীতিগত পৰামৰ্শৰ জৰিয়তে মানৱ অধিকাৰ সুৰক্ষাৰ ক্ষেত্ৰত আয়োগে গুৰুত্বপূৰ্ণ ভূমিকা পালন কৰিছে।

ইয়াৰ উপৰিও আয়োগে মানৱ অধিকাৰ সজাগতা বৃদ্ধিৰ বাবে ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত অসংখ্য প্ৰশিক্ষণ কাৰ্যসূচীৰ আয়োজন কৰিছে। আজিলৈকে ২৩খন দেশৰ ৭৮জন উচ্চপদস্থ বিষয়াক প্ৰশিক্ষণ দিয়া হৈছে। ইয়াৰ উপৰিও অভিযোগ দাখিল আৰু নিৰীক্ষণৰ সুবিধা এইচ আৰ চি ডট নেট পৰ্টেলৰ জৰিয়তে শক্তিশালী কৰা হৈছে, যিটো সমগ্ৰ দেশৰ ৫ লাখৰো অধিক কমন চাৰ্ভিচ চেণ্টাৰৰ সৈতে সংযুক্ত।

हिन्दुस्थान समाचार / অৰৱিন্দ