নতুন দিল্লী, ০৩ ডিচেম্বৰ (হি.স.)। জৰ্জিয়াৰ সংসদৰ অধ্যক্ষ শালভা পাপুয়াছভিলিৰ নেতৃত্বত জৰ্জিয়াৰ সংসদীয় প্ৰতিনিধি দলে উপ-ৰাষ্ট্ৰপতি তথা ৰাজ্যসভাৰ সভাপতি চি.পি. ৰাধাকৃষ্ণনক বুধবাৰে সংসদ ভৱনত সাক্ষাৎ কৰে।
দুয়োপক্ষই উৎপাদনশীল আলোচনাত মিলিত হয় আৰু জৰ্জিয়াত নতুন ভাৰতীয় দূতাবাস মুকলি আৰু অধিক প্ৰত্যক্ষ যোগাযোগৰ সম্ভাৱনাক আদৰণি জনায়।
উপ-ৰাষ্ট্ৰপতি সচিবালয়ে অৱগত কৰে যে দুয়োপক্ষৰ মাজত হোৱা আলোচনাত ভাৰত-জৰ্জিয়াৰ সম্পৰ্ক শক্তিশালী কৰা, গণতান্ত্ৰিক মূল্যবোধৰ ভাগ-বতৰা কৰা, নিয়মীয়া সংসদীয় সংযোগক প্ৰতিষ্ঠানিকৰণৰ প্ৰয়োজনীয়তাৰ ওপৰত গুৰুত্ব আৰোপ কৰা হৈছে।
পৰ্যটন, তথ্য প্ৰযুক্তি, ঔষধ, নবীকৰণযোগ্য শক্তি, চলচ্চিত্ৰ খণ্ড আৰু ক্ৰীড়াৰ ক্ষেত্ৰত সহযোগিতা বৃদ্ধিৰ ক্ষেত্ৰতো প্ৰতিনিধি দলসমূহে মত বিনিময় কৰে। বিশ্ববিদ্যালয়সমূহৰ মাজত শৈক্ষিক আদান-প্ৰদান বৃদ্ধি, জৰ্জিয়াত ভাৰতীয় ছাত্ৰ-ছাত্ৰীৰ ক্ৰমবৰ্ধমান উপস্থিতি, পৰ্যটকৰ প্ৰবাহ বৃদ্ধিৰ বিষয়েও আলোচনা কৰে। দুয়োপক্ষই কেইবাটাও বিষয়ত ইতিবাচক প্ৰতিক্ৰিয়া প্ৰকাশ কৰে।
हिन्दुस्थान समाचार / অৰৱিন্দ
