নতুন দিল্লী, ০৩ ডিচেম্বৰ (হি.স.)। অহা ছিজনৰ পৰা মেজৰ লীগ ক্ৰিকেটত ছিয়াটল অৰ্কাছৰ দায়িত্ব ল’ব পশ্চিম অষ্ট্ৰেলিয়াৰ প্ৰাক্তন মুখ্য প্ৰশিক্ষক এডাম ভোগেছে। পাঁচখন খেলৰ ধাৰাবাহিকভাৱে পৰাজয়ৰ পিছত অৰ্কাছে অষ্ট্ৰেলিয়াৰ প্ৰশিক্ষক মেথিউ মটক বৰ্খাস্ত কৰাৰ পিছতে ভোগেছক এই পদত নিযুক্তি দিয়া হৈছে।

শেহতীয়াকৈ ভোগেছে ঘোষণা কৰিছিল যে তেওঁ চলিত ঘৰুৱা ছিজনৰ পিছত পশ্চিম অষ্ট্ৰেলিয়াৰ মুখ্য প্ৰশিক্ষকৰ পদ এৰিব, যাৰ ফলত তেওঁ এম এল চিৰ এটা দলত যোগদান কৰিব পাৰে বুলি জল্পনা-কল্পনাৰ সৃষ্টি হৈছে।

ফ্ৰেঞ্চাইজিটোৱে ভোগেছৰ উদ্ধৃতি দি কয় যে, ছিয়াটল অৰ্কাছত যোগদান কৰি মই অতিশয় উৎসাহিত। এমএলচিয়ে অহৰহ অগ্ৰগতি লাভ কৰি আছে, আৰু মই দলটোক খেলপথাৰৰ ভিতৰত আৰু বাহিৰত সফলতা কঢ়িয়াই আনিবলৈ চেষ্টা কৰিম।

২০১৮ চনত জাষ্টিন লেংগাৰৰ ঠাইত ভোগেছে পশ্চিম অষ্ট্ৰেলিয়াক অভূতপূৰ্ব সফলতাৰ দিশত আগুৱাই লৈ গৈছে। তেওঁৰ প্ৰশিক্ষকৰ অধীনত দলটোৱে অসংখ্য খিতাপ দখল কৰিছে, আৰু তেওঁক অষ্ট্ৰেলিয়াৰ মুখ্য প্ৰশিক্ষক এণ্ড্ৰু মেকড’নাল্ডৰ সম্ভাৱ্য উত্তৰাধিকাৰী হিচাপে দেখা গৈছে। মেকড’নাল্ডৰ বৰ্তমানৰ চুক্তি ২০২৭ চনলৈকে চলিব যদিও তেওঁ এই চুক্তি বৃদ্ধিৰ বাবে আগ্ৰহী বুলি ধাৰণা কৰা হোৱা নাই।

অষ্ট্ৰেলিয়া এ আৰু ৰাষ্ট্ৰীয় দলৰ সৈতেও প্ৰশিক্ষকৰ অভিজ্ঞতা আছে ভোগেছৰ। ইয়াৰ উপৰিও তেওঁ দ্য হাণ্ড্ৰেডত ট্ৰেণ্ট ৰকেটছৰ সহকাৰী প্ৰশিক্ষক হিচাপে টি-২০ ফ্ৰেঞ্চাইজি প্ৰশিক্ষক কেৰিয়াৰ আৰম্ভ কৰিছিল।

ৱেষ্টাৰ্ণ অষ্ট্ৰেলিয়া ক্ৰিকেটেও ভোজেছক বিবিএল ফ্ৰেঞ্চাইজি পাৰ্থ স্কোৰ্চাৰ্ছৰ প্ৰশিক্ষক হিচাপে ৰখাৰ বাবেও আলোচনাত মিলিত হৈছে। তেওঁৰ নেতৃত্বত স্কোৰ্চাৰে বিবিএল ১১ আৰু বিবিএল ১২ খিতাপ দখল কৰে। ভোগেছেও খেলুৱৈ হিচাপে দলটোক দুটা চেম্পিয়নশ্বিপলৈ লৈ গৈছে।

ভোজেছৰ বিদায়ৰ পিছত পশ্চিম অষ্ট্ৰেলিয়াৰ নতুন মুখ্য প্ৰশিক্ষকৰ বাবে প্ৰতিদ্বন্দ্বী হ’ব পাৰে বিউ কেছন আৰু টিম মেকড’নাল্ড।

গড়ে ৬১.৮৭ ৰে ২০খন টেষ্ট মেচ খেলা ভোগেছে অৰ্কাছক শীৰ্ষলৈ ঘূৰাই অনাৰ লক্ষ্য ৰাখিব। ২০২৩ চনত ফাইনেলত প্ৰৱেশ কৰা দলটোৱে ২০২৪–২৫ চনত ১৭টা জয়ৰ ভিতৰত মাত্ৰ চাৰিটা জয়লাভ কৰিবলৈ সক্ষম হৈছিল।

ছিয়াটল অৰ্কাছৰ মুৰব্বী হেমন্ত ডুয়াই কয় যে, আমি এডাম ভোজেছক আদৰণি জনাই অত্যন্ত উৎসাহিত। তেওঁ এটা শক্তিশালী জয়ৰ অভিলেখ, বিশ্বমানৰ খেলুৱৈ গঢ়ি তোলাৰ ক্ষমতা, আৰু টি-২০ ফ্ৰেঞ্চাইজি ক্ৰিকেটৰ বিষয়ে গভীৰ বুজাবুজি লৈ আহিছে। আমি নিশ্চিত যে তেওঁৰ শান্ত আচৰণ আৰু কৌশলগত বুদ্ধিমত্তাই দলটোক খিতাপলৈ লৈ যোৱাত সহায় কৰিব।

আই পি এল আৰু ডব্লিউ পি এলৰ দিল্লী কেপিটেলছ, এছ এ ২০ৰ প্ৰিট’ৰিয়া কেপিটেলছ আৰু আই এল টি ২০ৰ ডুবাই কেপিটেলছৰ সহস্ৰস্বত্বাধিকাৰী হিচাপে আছে ছিয়াটল অৰ্কাছ।

हिन्दुस्थान समाचार / অৰৱিন্দ