চিৰাং, ১৬ ডিচেম্বৰ (হি.স.)। বড়ো ৰাইটাৰছ একাডেমীৰ উদ্যোগত চিৰাং জিলা সদৰ কাজলগাঁৱত নৱনিৰ্মিত বড়ো মিউজিয়াম গৃহৰ উদঘাটন কৰা হয় । আজিৰ এই বড়ো মিউজিয়ামৰ শুভ উদ্বোধন কৰে বিটিচিৰ বনবিভাগৰ কাৰ্য্যবাহী সদস্য পানীৰাম ব্ৰহ্মই।

বড়ো জনগোষ্ঠীয় লোক সকলৰ দৈনন্দিন জীৱনত ব্যবহৃত পৰম্পৰাগত সা-সামগ্ৰীৰ পৰা আৰম্ভ কৰি প্ৰচলিত বাদ্যযন্ত্ৰ, হস্ততাঁত, হস্তশিল্প আদি এই মিউজিয়ামত সংৰক্ষণ কৰাৰ ব্যবস্থা কৰা হৈছে । ক্ৰমবৰ্দ্ধমান আধুনিক জীৱনশৈলী কৱলত পৰি বড়ো সকলৰ পৰম্পৰাগত বহু সা-সামগ্ৰী বিলুপ্তিৰ গৰাহৰ গুচি গৈছে ।

বড়ো সকলৰ সেইপৰম্পৰাগত দৈনন্দিন জীৱনত ব্যবহৃত সা-সামগ্ৰী সমূহ সংৰক্ষণ কৰি এই মিউজিয়ামত ৰখাৰ ব্যবস্থা কৰা হৈছে আৰু নতুন প্ৰজন্মই যাতে আহি তেওঁলোকৰ পৰম্পৰাগত সা-সামগ্ৰীখিনি চাবলৈ পায় আৰু চিনাকী হোৱা সুযোগ কৰে বুলি মন্তব্য কৰে বড়ো ৰাইটাৰছ একাডেমীৰ সভাপতি ৰাজেন বসুমতাৰী আৰু বিটিচিৰ বনবিভাগৰ কাৰ্য্যবাহী সদস্য পানীৰাম ব্ৰহ্মই।

হিন্দুস্থান সমাচাৰ / প্ৰকাশ ডেকা