কলকাতা, ১৫ ডিচেম্বৰ (হি.স.)। অহা বৰ্ষৰ পশ্চিম বংগ বিধানসভা নিৰ্বাচনৰ প্ৰস্তুতিৰ বাবে নিৰ্বাচন আয়োগে ইলেক্ট্ৰনিক ভোটিং মেচিন (ইভিএম)ৰ প্ৰথম পৰ্যায়ৰ পৰিদৰ্শনৰ বাবে পাঁচজন ন’ডেল বিষয়া নিযুক্তি দিছে। আয়োগে স্পষ্ট কৰি দিয়ে যে এক নিকা আৰু স্বচ্ছ প্ৰক্ৰিয়া সুনিশ্চিত কৰিবলৈ অন্য ৰাজ্যৰ পৰা সকলো বিষয়াক নিযুক্তি দিয়া হৈছে।
আয়োগৰ এক বিবৃতি অনুসৰি এই বিষয়াসকলে ইভিএমৰ প্ৰথম পৰ্যায়ৰ পৰিদৰ্শনৰ সময়ত বিভিন্ন কেন্দ্ৰত পৰ্যবেক্ষক হিচাপে কাম কৰিব। এই বিষয়াসকল হ’ল- অৰুণাচল প্ৰদেশৰ উপ মুখ্য নিৰ্বাচনী বিষয়া শনিয়া কায়েম মিজে, মহাৰাষ্ট্ৰৰ উপ মুখ্য নিৰ্বাচনী বিষয়া যোগেশ গোসাৱী, মেঘালয়ৰ অতিৰিক্ত মুখ্য নিৰ্বাচনী বিষয়া পি কে বড়ো, মিজোৰামৰ যুটীয়া মুখ্য নিৰ্বাচনী বিষয়া এথেল ৰোথাংপুই আৰু নিৰ্বাচন আয়োগৰ অধীনস্থ সচিব কনিষ্ক কুমাৰ।
আয়োগে উল্লেখ কৰে যে এতিয়া ভোটদানৰ সময়ত মেচিনত প্ৰতিজন প্ৰাৰ্থীৰ ফটো দেখা যাব।
মন কৰিবলগীয়া যে ২০২১ চনৰ বিধানসভা নিৰ্বাচনৰ বাবে পশ্চিম বংগত ৮০ হাজাৰৰো অধিক ভোটকেন্দ্ৰ আছিল। নিৰ্বাচন আয়োগৰ এগৰাকী বিষয়াই উল্লেখ কৰিছে যে নতুনকৈ ভোটাৰ পঞ্জীয়ন আৰু পুনৰীক্ষণৰ পাছত ভোটকেন্দ্ৰৰ সংখ্যা ১০ হাজাৰৰো অধিক বৃদ্ধি পোৱাৰ সম্ভাৱনা আছে।
हिन्दुस्थान समाचार / অৰৱিন্দ
