কাঠমাণ্ডু, ০১ ডিচেম্বৰ (হি.স.)। সোণ সৰবৰাহৰ অভিযোগত ডোহা আৰক্ষীয়ে নেপাল এয়াৰলাইন্সৰ ক্ৰু মেম্বাৰ সন্দেশ তিৱাৰীক আটক কৰি ৰাখিছে । সোমবাৰে নেপাল এয়াৰলাইন্সে এক বিবৃতি প্ৰকাশ কৰি তিৱাৰীক তিনি মাহৰ বাবে নিলম্বন কৰা বুলি উল্লেখ কৰে। তিৱাৰীৰ পৰা উদ্ধাৰ হৈছে ৮ তোলা সোণ।

নেপাল এয়াৰলাইন্সৰ মুখপাত্ৰ অৰ্চনা খাড়কাই ২৯ নৱেম্বৰত এই ঘটনা সংঘটিত হোৱা বুলি জানিবলৈ দিয়ে। ডোহাৰ পৰা কাঠমাণ্ডুলৈ আহিবলগীয়া আছিল আৰ এ ২৪০ নম্বৰৰ বিমান। দোহা বিমানবন্দৰৰ শুল্ক পৰীক্ষাৰ সময়ত তিৱাৰীৰ হাতত উদ্ধাৰ হয় ৮ তোলা সোণ। ইয়াৰ বাবেই বিমানখন প্ৰায় ৩৫ মিনিটৰ বাবে পলম কৰি ৰখা হয়। এই কথা নিশ্চিত কৰিছে নেপাল এয়াৰলাইন্সৰ দোহা ষ্টেচন মেনেজাৰ কৃষ্ণ বাজগাইয়ে।

हिन्दुस्थान समाचार / অৰৱিন্দ