গুৱাহাটী, ২১ নৱেম্বৰ (হি.স.)। আধুনিকীকৰণৰ দিশত এক উল্লেখযোগ্য পদক্ষেপ গ্ৰহণ কৰি ভাৰতীয় ৰে’লৱেই ২০২৫-২৬ বিত্তীয় বৰ্ষৰ ভিতৰত উত্তৰ-পূব সীমান্ত ৰে’লৱে (এনএফআৰ)ৰ অধীনত চলি থকা ১০ যোৰ ৰে’লক গতানুগতিক আইচিএফ ডবাৰ পৰা আধুনিক এলএইচবি (লিংকে হফমেন বুছ) ৰেকলৈ ৰূপান্তৰিত কৰিছে। এই পদক্ষেপৰ লক্ষ্য হৈছে যাত্ৰীসকলক অধিক নিৰাপদ, অধিক আৰামদায়ক, আৰু কাৰ্যক্ষম ভ্ৰমণ অভিজ্ঞতা প্ৰদান কৰা। এল এইচ বি ৰেকে উচ্চ সুৰক্ষা মানদণ্ড, উন্নত গতি ক্ষমতা, হ্ৰাস কৰা ৰক্ষণাবেক্ষণ, আৰু মসৃণ ভ্ৰমণৰ সুবিধা প্ৰদান কৰে।
আঁচনিৰ অধীনত চিনাক্ত কৰা ১০ যোৰ ৰে’লৰ ভিতৰত পাঁচ যোৰ ৰে’লৰ ৰূপান্তৰ ক্ৰমে ১৫৭১৫/১৫৭১৬ (কিশনগঞ্জ–আজমেৰ–কিশনগঞ্জ), ১৫৭২২/১৫৭২১ (নতুন জলপাইগুৰি–দিঘা–নতুন জলপাইগুৰি), ১৩১৫৯/১৩১৬০ (কলকাতা টাৰ্মিনেল–জোগবানি–কলকাতা টাৰ্মিনেল), ১৩২১২/১৩২১১ (ডানাপুৰ–জোগবাণী–ডানাপুৰ) আৰু ১৩২১৪/১৩২১৩ (সহাৰছা জংচন–জোগবানি–চহৰছা জংচন) ২০২৫ চনৰ জুনৰ পৰা আগষ্টৰ ভিতৰত সফলতাৰে সম্পূৰ্ণ হৈছে। ১৩১৭৩/১৩১৭৪ (শিয়ালদহ–ছাব্ৰুম–শিয়ালদহ) আৰু ১৩১৭৫/১৩১৭৬ (শিয়ালদহ-শিলচাৰ–শিয়ালদহ ) লৈ এল এইচ বি চলি আছে আৰু নৱেম্বৰৰ শেষৰ ফালে সম্পূৰ্ণ হ’ব।
২০২৬ চনৰ জানুৱাৰী মাহত ৫৫৬৭৫/৫৫৬৭৬ (অগৰতলা–ধৰ্মনগৰ–অগৰতলা) আৰু ১৫৬৬৪/১৫৬৬৩ (শিলচৰ–আগৰতলা–শিলচৰ) ৰে’ল নম্বৰকো এল এইচ বি ৰেকলৈ ৰূপান্তৰিত কৰাৰ পৰিকল্পনা কৰা হৈছে।
অনাগত বছৰবোৰত অধিক ৰে’ল এল এইচ বি ৰেকলৈ ৰূপান্তৰিত কৰাৰ দিশত কাম কৰি আছে পি এছ ইউয়ে। বিষয়াসকলৰ মতে, অঞ্চলটোৰ যাত্ৰীসকলক সুৰক্ষিত, আধুনিক আৰু নিৰ্ভৰযোগ্য ৰেল সেৱা প্ৰদান কৰিবলৈ, কাৰ্য্যকৰী প্ৰয়োজনীয়তা, চাহিদা আৰু ৰোলিং ষ্টকৰ উপলব্ধতাৰ ওপৰত ভিত্তি কৰি অধিক পৰিৱৰ্তন কৰা হ’ব।
हिन्दुस्थान समाचार / অৰৱিন্দ