গান্ধীনগৰ, ৩১ অক্টোবৰ (হি.স.)। চৰ্দাৰ বল্লভভাই পেটেলৰ উত্তৰাধিকাৰক সন্মান জনাই প্ৰধানমন্ত্ৰী নৰেন্দ্ৰ মোদীয়ে কয় যে চৰ্দাৰ পেটেল ভাৰতৰ একত্ৰীকৰণৰ চালিকা শক্তি আছিল আৰু স্বাধীনতাৰ পিছৰ প্ৰথম বছৰবোৰত দেশৰ দিশ গঢ় দিয়াত নিৰ্ণায়ক ভূমিকা পালন কৰিছিল। ৰাষ্ট্ৰীয় অখণ্ডতা, সুশাসন আৰু জনসেৱাৰ প্ৰতি চৰ্দাৰ পেটেলৰ অটল দায়বদ্ধতাই আগন্তুক প্ৰজন্মক অনুপ্ৰাণিত কৰি থাকিব।

প্ৰধানমন্ত্ৰীয়ে শুকুৰবাৰে ছ’চিয়েল মিডিয়া প্লেটফৰ্ম এক্সত এটা পোষ্ট শ্বেয়াৰ কৰি কয় যে, চৰ্দাৰ বল্লভভাই পেটেলৰ ১৫০ বছৰীয়া জন্ম জয়ন্তীত ভাৰতে শ্ৰদ্ধাঞ্জলি জনাইছে। তেওঁ ভাৰতৰ একত্ৰীকৰণৰ চালিকা শক্তি আছিল, আমাৰ ৰাষ্ট্ৰৰ গঠনমূলক বছৰবোৰত আমাৰ ৰাষ্ট্ৰৰ গতিপথ গঢ় দিছিল। ৰাষ্ট্ৰীয় অখণ্ডতা, সুশাসন, আৰু জনসেৱাৰ প্ৰতি তেওঁৰ অদম্য দায়বদ্ধতাই আগন্তুক প্ৰজন্মক অনুপ্ৰাণিত কৰি যাব। লগতে তেওঁৰ এক ঐক্যবদ্ধ, শক্তিশালী আৰু আত্মনিৰ্ভৰ ভাৰতৰ দৃষ্টিভংগীক ৰক্ষা কৰাৰ আমাৰ সামূহিক সংকল্প পুনৰবাৰ উল্লেখ কৰিছো।

हिन्दुस्थान समाचार / অৰৱিন্দ