বৰুণ ধাৱন আৰু জাহ্নৱী কাপুৰৰ ছবি ছনি সংস্কৰী কি তুলসী কুমাৰী দশহৰা উপলক্ষে ছবিগৃহত মুক্তি লাভ কৰিছে। বক্স অফিচত ঋষভ শ্বেট্টীৰ কান্তৰা - অধ্যায় ১ৰ সৈতে পোনপটীয়াকৈ প্ৰতিযোগিতাত অৱতীৰ্ণ হৈছে ছবিখন। ধৰ্ম প্ৰডাকচনৰ বেনাৰত নিৰ্মিত এই ছবিখন পৰিচালনা কৰিছে শশাংক খৈতনে। মুক্তিৰ প্ৰথম দিনৰ শেহতীয়া তথ্য এতিয়া প্ৰকাশ পাইছে।
চাকনিল্কৰ এক প্ৰতিবেদন অনুসৰি বৰুণ ধাৱন আৰু জানহৱী কাপুৰ অভিনীত ছবি ছনি সংস্কৰী কি তুলসী কুমাৰী মুক্তিৰ প্ৰথম দিনাই বক্স অফিচত ₹৯.২৫ কোটি টকা উপাৰ্জন কৰে। ইয়াৰ প্ৰতিদ্বন্দ্বী ঋষভ শ্বেট্টীৰ কান্তৰা - অধ্যায় ১ ₹৬০ কোটি উপাৰ্জন কৰে, যিটো ইয়াৰ পূৰ্বৰ সংগ্ৰহতকৈ প্ৰায় ছয়গুণ বেছি। ইয়াৰ পিছতো প্ৰায় ৬০ কোটি টকাৰ বাজেটত নিৰ্মিত বৰুণ-ঝানৱী ছবিখনৰ মুকলি দিন গড় হিচাপতকৈ ভাল বুলি বিবেচিত হৈছে। দৰ্শক আৰু সমালোচক উভয়ে ছবিখনক ইতিবাচক সঁহাৰি দিছে।
ছনি সংস্কৰী কি তুলসী কুমাৰীত অভিনয় কৰিছে বৰুণ ধৱন আৰু জাহৱী কাপুৰৰ লগতে সন্যা মালহোত্ৰা, ৰোহিত চাৰাফ, আৰু মনীষ পল। নিজ নিজ সম্পৰ্কত প্ৰতাৰিত হোৱা ছানী আৰু তুলসীক লৈ ছবিখনৰ কাহিনী ঘূৰি আছে। পৰিস্থিতিৰ বাবে দুয়োজনে নিজৰ প্ৰেম ঘূৰাই পাবলৈ ৰোমাঞ্চ নকল কৰাৰ সিদ্ধান্ত লয়। মুঠতে ছবিখনে লঘু হৃদয়ৰ ৰোমান্টিক আৰু কমেডী মনোৰঞ্জন আগবঢ়াইছে।
हिन्दुस्थान समाचार / মনোজ কুমাৰ শইকীয়া
