ৰকেটৰী: দ্য নাম্বি ইফেক্টত নম্বী নাৰায়ণনৰ জীৱনক চিত্ৰিত কৰি দৰ্শকৰ হৃদয় জয় কৰাৰ পিছত এতিয়া পুনৰ অভিনেতা আৰ মাধৱনে পুনৰ আন এক প্ৰেৰণাদায়ক যাত্ৰাৰ বৰ্ণনা কৰিছে। তেওঁৰ আগন্তুক ছবি জিডিএনৰ ফাৰ্ষ্ট লুক টিজাৰ চৰ্চাৰ বিষয় হৈ পৰিছে। এইবাৰ মাধৱনে ভাৰতৰ প্ৰখ্যাত অভিযন্তা তথা উদ্ভাৱক জি.ডি. নাইডু অৰ্থাত গোপালস্বামী দোৰাইস্বামী নাইডুৰ ভূমিকাত দেখিবলৈ পোৱা যাব।
মাত্ৰ ৪৩ ছেকেণ্ডৰ এই টিজাৰত মাধৱনৰ উল্লেখযোগ্য ৰূপান্তৰ, যিটো ৰূপান্তৰ চিনাকি নহয়, প্ৰদৰ্শন কৰা হৈছে। টিজাৰটোত জি.ডি. নাইডুৰ দৃষ্টিভংগী, উচ্চাকাংক্ষা, দৃঢ়তাক চেলুট দি ভিডিঅ’টোৰ লগত সংগতি ৰাখি মেকাৰসকলে শক্তিশালী শাৰী লিখিছে।
মন কৰিবলগীয়া যে জি ডি নাইডু তেওঁৰ কৌশল আৰু কল্পনাশক্তিৰ বাবে ভাৰতৰ এডিছন হিচাপে পৰিচিত। তেওঁ কেৱল অভিযন্তা নাছিল, উদ্ভাৱনৰ অগণন অধ্যায়ৰ লেখক আছিল। তেওঁ সৃষ্টি কৰা যন্ত্ৰ আৰু প্ৰযুক্তিয়ে ভাৰতীয় উদ্যোগ আৰু বিজ্ঞানক গঢ় দিছিল। এনে এজন মহান ব্যক্তিত্বৰ কাহিনীৰ মাধৱনে চিত্ৰিত কৰাটো দৰ্শকৰ বাবে অতি আকৰ্ষণীয় হ’ব।
ছবিখনৰ পৰিচালনা কৰিছে কৃষ্ণকুমাৰ ৰামকুমাৰে। প্ৰকল্পটোৰ প্ৰযোজক আৰ মাধৱন আৰু সৰিতা মাধৱন, ইয়াৰ পৰা বুজা যায় যে এই কাহিনীটোক পৰম সৃষ্টিশীল গুৰুত্বসহকাৰে জীৱন্ত কৰি তোলা হ’ব। ২০২৬ চনৰ গ্ৰীষ্মকালত ছবিগৃহত মুক্তি পাব জিডিএন।
हिन्दुस्थान समाचार / অৰৱিন্দ
