ভিয়েনা, ২৪ অক্টোবৰ (হি.স.)। শীৰ্ষ বাচনিৰ ইটালীৰ জানিক চিনাৰে স্বদেশৰ ফ্লেভিঅ’ ক’ব’লিক পৰাস্ত কৰি ভিয়েনা অ’পেন টেনিছ প্ৰতিযোগিতাৰ কোৱাৰ্টাৰ ফাইনেলত প্ৰৱেশ কৰে। বৃহস্পতিবাৰে প্ৰি-কোৱাৰ্টাৰ ফাইনেলত ছিনাৰে ক’ব’লিক ৬-২, ৭-৬(৪) ব্য়ৱধানত পৰাস্ত কৰে।
প্ৰথম ছেটত ছিনাৰে শক্তিশালী প্ৰদৰ্শন আগবঢ়াই সহজেই ৬-২ ব্য়ৱধানত জয়লাভ কৰে যদিও দ্বিতীয় ছেটত ক’ব’লিয়ে কঠিন যুঁজৰ প্ৰস্তাৱ আগবঢ়ায়। অৱশ্যে টাই ব্ৰেকত ছিনাৰে উচ্চমানৰ খেল প্ৰদৰ্শন কৰি মেচখনত জয়লাভ কৰে।
চাৰিবাৰৰ গ্ৰেণ্ড শ্লেম চেম্পিয়ন ছিনাৰে ভাগৰ আৰু ক্ৰেম্পৰ বাবে ছাংহাই মাষ্টাৰছত তৃতীয় ৰাউণ্ডৰ খেলখন পৰিত্যাগ কৰি পুনৰ প্ৰতিযোগিতাখনলৈ উভতি আহে। প্ৰথম ছেটত ছিনাৰে এটাও ব্ৰেক পইণ্টৰ সন্মুখীন নহ’ল যদিও দ্বিতীয় ছেটত চাৰিটা ব্ৰেকৰ সুযোগৰ মূলধন হিচাপে ব্যৱহাৰ কৰিব নোৱাৰিলে।
মেচৰ পিছত তেওঁ কয়, ফ্লেভিঅ' এজন ডাঙৰ প্ৰতিভা আৰু এজন ডাঙৰ প্ৰতিযোগী। আমি কিছুমান ডাঙৰ ৰেলী খেলিলোঁ। দ্বিতীয় ছেটত মোৰ সুযোগ আছিল যদিও সেইবোৰৰ মূলধন ল'ব পৰা নাছিলো, সেয়া হ'ল টেনিছ। মই ইতিবাচক মানসিকতা বজাই ৰাখিছিলো আৰু আজি মই কেনেকৈ খেলিলোঁ তাক লৈ সুখী।
আৰ্জেণ্টিনাৰ ফ্ৰান্সিস্কো চেৰুণ্ডোলোক ৬-৪, ৬-২ ব্য়ৱধানত পৰাস্ত কৰা কাজাখ খেলুৱৈ আলেকজেণ্ডাৰ বুবলিকৰ বিৰুদ্ধে কোৱাৰ্টাৰ ফাইনেলত ছিনাৰে খেলিব। দ্বিতীয় বাচনিৰ আলেকজেণ্ডাৰ ঝভেৰেভেও অন্তিম আঠলৈ আগবাঢ়িছে, য’ত তেওঁ টেলন গ্ৰীকুৱাছপ’ৰৰ বিৰুদ্ধে খেলিব।
ইফালে, ফ্ৰান্সৰ ক’ৰেন্টিন মৌটে ৰাছিয়াৰ ডেনিল মেডভেডেভৰ হাতত পূৰ্বৰ পৰাজয়ৰ প্ৰতিশোধ লয়। যোৱা দেওবাৰৰ আলমাটি ফাইনেলত মেডভেডেভে মাউটেক পৰাস্ত কৰিছিল যদিও এইবাৰ মৌটে ৭-৬ (৭/৩), ৬-৪ গ’লত জয়লাভ কৰি উল্লেখযোগ্য প্ৰত্যাৱৰ্তন ঘটাইছিল।
हिन्दुस्थान समाचार / মনোজ কুমাৰ শইকীয়া
