বলীউডৰ আগশাৰীৰ অভিনেত্ৰী দীপিকা পাডুকনে এতিয়া মাতৃ হোৱাৰ পিছত পুনৰ কামত যোগদান কৰিবলৈ সাজু হৈছে। অতি সোনকালে দীপিকাই ‘কলকী-২’ ছবিখনৰ শ্বুটিং আৰম্ভ কৰিব। অভিনেতা ৰণবীৰৰ পত্নী দীপিকাই ৮ ছেপ্টেম্বৰত কন্যা সন্তান জন্ম দিয়ে।
শেহতীয়াকৈ ‘কলকী ২৮৯৮ খ্ৰীষ্টাব্দ’ৰ দলটোৱে এটা ভিডিঅ’ শ্বেয়াৰ কৰি অভিনেত্ৰীগৰাকীক জন্মদিনৰ শুভেচ্ছা জনায়। এই ভিডিঅ’টোত ‘কলকী ২৮৯৮ খ্ৰীষ্টাব্দ’ ছবিখনৰ শ্বুটিংৰ সময়ত কিছু দৃশ্য দেখুওৱা হৈছে। এই ভিডিঅ'টোৰ শেষত কোৱা হৈছিল, চিনেমাখনৰ চেটত সোনকালে লগ পাম। গতিকে এতিয়া নিশ্চিত হৈছে যে 'কলকি ২৮৯৮ খ্ৰীষ্টাব্দ'ৰ দ্বিতীয় খণ্ডৰ শ্বুটিং অতি সোনকালে আৰম্ভ হ'ব আৰু তাৰ পিছত দীপিকাও ডেলিভাৰীৰ পিছৰ বিৰতিটো কামলৈ ঘূৰি আহিব।
গৰ্ভাৱস্থাত দীপিকাই সিংঘম এগেইন ছবিখনৰ শ্বুটিং কৰিছিল যদিও তাৰ পিছত বিৰতি লৈছিল। দীপিকা আৰু ৰণবীৰে নিজৰ প্ৰিয় কন্যাৰ নাম ৰাখিছে দুয়া। এতিয়া গৰ্ভাৱস্থাৰ বিৰতিৰ পিছত দীপিকা পুনৰ কামত যোগদান কৰিব। ইফালে যোৱা বছৰৰ জুন মাহত মুক্তি লাভ কৰিছিল ‘কলকী ২৮৯৮ খ্ৰীষ্টাব্দ’ ছবিখন। অমিতাভ বচ্চন, প্ৰভাস, দীপিকা পাডুকন, কমল হাছান এই ছবিখনৰ ষ্টাৰকাষ্ট আছিল, এতিয়া দৰ্শকৰ সন্মুখত আহি আছে ‘কলকি ২৮৯৮ খ্ৰীষ্টাব্দ’ৰ ছিকুৱেল।
हिन्दुस्थान समाचार / মনোজ কুমাৰ শইকীয়া
