প্ৰতিটো চৰিত্ৰ আৰু অভিনয়ত নিজকে নিমজ্জিত কৰি দৰ্শকৰ হৃদয় জয় কৰা বলীউডৰ প্ৰতিভাৱান অভিনেতা ৰনদীপ হুদাই তেওঁৰ নতুন হলিউড ছবিৰ বাবে সাজু হৈছে। খবৰ অনুসৰি ৰনদীপে তেওঁৰ পৰৱৰ্তী আন্তঃৰাষ্ট্ৰীয় ছবিৰ শ্বুটিংৰ বাবে বুডাপেষ্টলৈ ৰাওনা হৈছে। ২০২০ চনত নেটফ্লিক্সত মুক্তি পোৱা এক্সট্ৰেকচনৰ পিছত এইখন হ’ব তেওঁৰ দ্বিতীয়খন বিশাল হলিউড ছবি।
স্বতন্ত্ৰতা বীৰ সাৱৰকাৰত দৰ্শনীয় অভিনয় আৰু পৰিচালনাৰ অভিষেকৰ পিছত পুনৰ বিশ্বৰ মঞ্চত উজ্জ্বল হ’বলৈ সাজু হৈছে ৰনদীপ হুডাই। যদিও তেওঁৰ আগন্তুক হলিউড ছবিখনৰ বিষয়ে বিশেষ তথ্য প্ৰকাশ কৰা হোৱা নাই, এক সূত্ৰই প্ৰকাশ কৰা মতে, ৰনদীপে এই প্ৰকল্পটোক লৈ অতিশয় উৎসাহিত। এইবাৰ দৰ্শকে তেওঁক সম্পূৰ্ণ নতুন অৱতাৰত দেখা পাব। এই সপ্তাহৰ শেষৰ ফালে বুডাপেষ্টত ছবিখনৰ শ্বুটিং আৰম্ভ হ’ব।
ৰনদীপৰ শেষৰখন হলিউডৰ ছবি এক্সট্ৰেকচনত তেওঁ ক্ৰীছ হেমছৱৰ্থৰ সৈতে পৰ্দা ভাগ কৰিছিল, য’ত তেওঁৰ সুন্দৰ অভিনয় আৰু একচনক অতিশয় প্ৰশংসা কৰা হৈছিল। ভাৰতৰ কামৰ কথা ক’বলৈ গ’লে ৰনদীপে বৰ্তমান তেওঁৰ পৰৱৰ্তী ছবি ‘জাত’ৰ শ্বুটিঙত ব্যস্ত, য’ত তেওঁক চানী দেওলৰ সৈতে দেখা যাব। গোপীচণ্ড মালিনিনীৰ পৰিচালনাৰে নিৰ্মিত এই ছবিখন চলিত বৰ্ষত মুক্তি পোৱাৰ কথা।
हिन्दुस्थान समाचार / মনোজ কুমাৰ শইকীয়া
