মানকাচৰ, ২১ জানুৱাৰী (হি.স.)। দক্ষিণ শালমাৰাত ব্ৰহ্মপুত্ৰ নদীৰ বুকুত ঘনকুঁৱলীৰ মাজত নাওঁ দুৰ্ঘটনা।দক্ষিণ শালমাৰাৰ পৰা ধুবুৰী মুখী হওঁতে যাত্ৰীবাহী লঞ্চে এখন যন্ত্ৰ চালিত নাওঁক‌ খুন্দিয়াই ।

ফকিৰগঞ্জ আৰক্ষী চকীৰ অন্তৰ্গত আৰিমাৰী ঘাটৰ পৰা দেনাৰ কুটি লৈ‌ পাৰাপাৰ কৰা যাত্ৰীবাহী নাওঁ খনক খুন্দিয়াই লঞ্চটোৱে , যাৰ ফলত নাওঁ খনৰ লগতে কেবাখনো দুচকীয়া বাহনৰো ক্ষতি সাধন হয় আৰু লগতে কেইবাগৰাকী যাত্ৰীও আহত হয়।জানিব পৰা মতে আৰিমাৰী পাৰঘাটৰ নাই কোনো চৰকাৰী অনুমতি । খণ্ড উন্নয়ন বিষয়াক মেনেজ কৰি, অনুমতি অবিহনে কেইবাজন লেছিয়ে নিজ ইচ্ছাৰে এই নাওঁ সমূহ চলাই আছে বুলি অভিযোগ উত্থাপিত হৈছে।

হিন্দুস্থান সমাচাৰ / কিশোৰ মিশ্ৰ