যোৱা কেইবছৰমানৰ পৰা চলচ্চিত্ৰ জগতৰ পৰা আঁতৰি থকা অনুষ্কা শৰ্মাই কেইবামাহো ধৰি লণ্ডনত আছে। তাত লণ্ডনত তাইৰ এটি পুত্ৰ সন্তান জন্ম হৈছে। এতিয়া কেইবামাহো পিছত অনুষ্কাক দেখা গ’ল মুম্বাই বিমানবন্দৰত। ক’লা কেজুৱেল আউটফিট পিন্ধি তাই সোমাই গ’ল। বহু বছৰৰ মূৰত তেওঁক দেখি অনুৰাগীসকলো আনন্দিত হৈছে। তেওঁৰ ভিডিঅ’ এতিয়া ভাইৰেল হৈ পৰিছে।
চৰ্চা চলিছে অনুষ্কা আৰু বিৰাট কোহলীয়ে নিজৰ দুটা সন্তানৰ সৈতে লণ্ডনত থিতাপি লৈছে। এতিয়া অনুষ্কা অকলে মুম্বাইলৈ ঘূৰি আহিছে, ব্ৰেণ্ড এণ্ডাৰছমেণ্ট আৰু কৰ্ম প্ৰতিশ্ৰুতিৰ জুগলিং কৰি আছে। সম্পূৰ্ণ ক’লা সাজ-পোছাক, ক’লা চশমা পিন্ধি দেখা গৈছিল তাইক। পাপাৰাজীৰ সন্মুখত পোজ দি তাৰ পিছত গাড়ীত উঠি গুচি গ’ল তাই। অনুষ্কাৰ এই ভিডিঅ'টো চেলিব্ৰিটি ফটোগ্ৰাফাৰৰ ছ'চিয়েল মিডিয়াত শ্বেয়াৰ কৰা হৈছে।
অনুষ্কা শৰ্মাৰ অনুৰাগীসকলো সুখী
কেইমিনিটমানৰ ভিতৰতে এই ভিডিঅ'টোত নেটিজেনৰ পৰা মন্তব্য আহিবলৈ ধৰিলে। ‘ব্লেক কমাণ্ডো’, ‘ভনীয়েকক মোটা দেখা গৈছে’ আদি মন্তব্য দেখা গৈছে। অনুষ্কাই এইবছৰ অকয়াৰ জন্ম দিছে। লণ্ডনৰ পৰা অহা কোহলী পৰিয়ালৰ বহু ভিডিঅ’ ভাইৰেল হৈছে। বিশ্বকাপৰ পাছত লণ্ডনলৈ যোৱাৰ পাছতো তাত আছে বিৰাট কোহলী৷ অনুষ্কাৰ ‘চকদা এক্সপ্ৰেছ’ ছবি মুক্তিৰ অপেক্ষাত। নেটফ্লিক্সত ছবিখন মুক্তি পাব বুলি চৰ্চা চলিছে যদিও এই ছবিখনৰ তাৰিখ এতিয়াও নিৰ্ধাৰণ হোৱা নাই।
হিন্দুস্থান সমাচাৰ / অৰৱিন্দ
