ৰূপহীহাটৰ হাতিপুখুৰীত গৰু চুৰিত ব্যৱহৃত বিলাসী বাহন জব্দ
ৰূপহীহাটৰ হাতিপুখুৰীত গৰু চুৰিত ব্যবহিত বিলাসী বাহন জব্দ।
নগাঁও, ২৯ ছেপ্টেম্বৰ (হি.স.): নগাঁও জিলাৰ ৰূপহীহাটৰ হাতিপুখুৰীত গৰু চুৰিত ব্যৱহৃত বিলাসী বাহন জব্দ কৰা হৈছে। গড়াজান আৰক্ষীয়ে খেদি খেদি জব্দ কৰে বাহনখন। কালি নিশা বিভিন্ন গৃহস্থৰ গোহালিৰ পৰা গৰু চুৰি কৰি আহিছিল বাহনখনেৰে এটা চোৰৰ দলে।
আৰক্ষী আৰু স্থানীয় ৰাইজৰ সহযোগত বাহনখন জব্দ কৰে যদিও পলাই যাবলৈ সক্ষম হয় চোৰৰ দলটো।অভিযোগ মতে, এএছ ০২ এডি ৯৫৬৭ নম্বৰৰ শ্বুইফ্ট বাহনেৰে ৱাহিদুৰ ৰহমান নামৰ চোৰটো চলাই গৈছে দীৰ্ঘদিনৰ পৰাই চুৰি কাৰ্য।পূৰ্বতেও স্থানীয় ৰাইজে কেইবাবাৰো চুৰি কৰা বাহন গৰুসহ আৰক্ষীক ছমজাই দিছে যদিও কোনো সুফল পোৱা নাই বুলি মন্তব্য কৰে।
হিন্দুস্থান সমাচাৰ / কিশোৰ মিশ্ৰ
