ধুবুৰী, ০১ আগষ্ট (হি.স.): ধুবুৰী জিলাৰ গৌৰীপুৰৰ আৰক্ষীৰ হাতত কালি সন্ধিয়া কৰায়ত্ত হয় এগৰাকী ড্ৰাগছ সৰবৰাহ কাৰী। গৌৰীপুৰ চৌৰা‌ংগীমোৰ অঞ্চলত গৌৰীপুৰ আৰক্ষীৰ এক গোপন অভিযানৰ ভিত্তিত ৯ (নটা) কণ্টেনাৰ লগতে বহু আপত্তি জনক সামগ্ৰী সহ এগৰাকী সৰবৰাহ কাৰীক আটক কৰিবলৈ সক্ষম হয়।

আটকাধীন যুৱক জন গৌৰীপুৰৰ মলাতী খামাৰ গাঁৱৰ মফিজুল হক বুলি জানিব পৰা গৈছে। দীৰ্ঘদিন ধৰি যুৱক জনে ড্ৰাগাছ সৰবৰাহ কৰাত জঢ়িত থকাৰ অভিযোগ উত্থাপন হৈছে । ইতিমধ্যে যুৱক জনক আৰক্ষীয়ে যুৱক জনক আটক কৰি থানালৈ আনি অধিক তথ্যৰ বাবে তদন্ত অব্যাহত ৰাখিছে।

হিন্দুস্থান সমাচাৰ / কিশোৰ মিশ্ৰ / মনোজ কুমাৰ শইকীয়া