শিৱসাগৰ, ২৬ জুলাই (হি.স.): শিৱসাগৰ জিলাৰ গেলেকীৰ ন - আলিত কালি নিশা ভয়ংকৰ পথ দূৰ্ঘটনা সংঘটিত হয়। থিতাতে নিহত হয় এজন যুৱক। গেলেকীৰ পৰা নাজিৰাৰ দিশে গৈ থাকোতে পথৰ কাষৰ এটা কাৰেন্টৰ খুটাত খুণ্ডা মাৰে প্ৰচণ্ড জোৰৰে এখন বাইকে । ফলত মেকীপুৰ বাগিছাৰ গজানন্দ ৰাজোৱাৰ নামৰ এজন বাইক আৰোহী যুৱক থিতাতে নিহত হৈছে ।

ইফালে আহত হৈছে দীপ গোৱালা নামৰ আন এজন যুৱক । দূৰ্ঘটনাত পতিত পালচাৰ বাইক খনৰ নম্বৰ এএছ ৩৩ এ ৮১৩২ বুলি জানিব পৰা গৈছে। আহত যুৱকজনক ততাতৈয়াকৈ উন্নত চিকিৎসাৰ বাবে শিৱসাগৰলৈ প্ৰেৰণ কৰা হৈছে। দুয়োজন যুৱক গেলেকীৰ আঠখেল স্থিত ইক পাৰ্কলৈ বুলি ঘৰৰ পৰা ওলাই আহিছিল বুলি জানিব পৰা গৈছে ।

হিন্দুস্থান সমাচাৰ / কিশোৰ মিশ্ৰ / মনোজ কুমাৰ শইকীয়া