কাঠমাণ্ডু, ২৪ জুলাই (হি.স.)। নেপালৰ ৰাজধানী কাঠমাণ্ডুত বুধবাৰে পুৱা সংঘটিত হোৱা বিমান দুৰ্ঘটনাত প্ৰাণ হেৰুওৱা ১৮জন লোকৰ ভিতৰত একেটা পৰিয়ালৰ তিনিজন লোকো আছে। এই তিনিজনৰ ভিতৰত আছে দুৰ্ঘটনাগ্ৰস্ত বিমান কোম্পানীটোৰ এজন কৰ্মচাৰী, তেওঁৰ পত্নী আৰু চাৰি বছৰীয়া পুত্ৰ। তেওঁ পত্নী আৰু পুত্ৰক লৈ পোখাৰালৈ যাত্ৰা কৰিছিল।
সৌৰ্য এয়াৰলাইন্সৰ তথ্য অনুসৰি কোম্পানীটোৰ বিমান ৰক্ষণাবেক্ষণ বিভাগৰ কৰ্মচাৰী মনুৰাজ শৰ্মাও পোখাৰালৈ গৈ আছিল। বিমানখনৰ কাৰিকৰী বিজুতিৰ বাবে মেৰামতিৰ বাবে পোখাৰালৈ লৈ যোৱা হৈছিল। বিমান সংস্থাসমূহে জনোৱা মতে, বিমান ৰক্ষণাবেক্ষণৰ কৰ্মচাৰী মনুৰাজ শৰ্মাই পত্নী প্ৰীজা খাটিৱদা আৰু চাৰি বছৰীয়া পুত্ৰ অধিৰাজ শৰ্মাৰ সৈতে যাত্ৰা কৰিছিল। এই দুৰ্ঘটনাত তিনিওজনৰ মৃত্যু হয়। প্ৰীজা চৰকাৰী কৰ্মচাৰীও আছিল আৰু শক্তি মন্ত্ৰালয়ত সহকাৰী কম্পিউটাৰ অপাৰেটৰ হিচাপে কৰ্মৰত আছিল।
এই বিমানত নিহত হোৱা সকলো যাত্ৰীক সৌৰ্য এয়াৰলাইন্সে নিজৰ কৰ্মচাৰী বুলি ঘোষণা কৰিছে যদিও শক্তি মন্ত্ৰালয়ৰ মুখপাত্ৰ নবীনৰাজ সিঙৰ মতে প্ৰীজা খাতিৱাদা শক্তি মন্ত্ৰালয়ত কৰ্মৰত আছিল। অসামৰিক বিমান পৰিবহণ কৰ্তৃপক্ষই প্ৰকাশ কৰা তালিকাতো এই তিনিজনৰ নাম উল্লেখ কৰা হৈছে।
হিন্দুস্থান সমাচাৰ/ পংকজ দাস
হিন্দুস্থান সমাচাৰ / মনোজ কুমাৰ শইকীয়া
