নতুন দিল্লী, ০৭ মে’ (হি.স.) প্ৰথম আৰু দ্বিতীয় পৰ্যায়ৰ ভোটগ্ৰহণৰ পিছত তথ্য প্ৰকাশ কৰাত পলম হোৱাক লৈ নিৰ্বাচন আয়োগৰ কাম-কাজক লৈ সন্দেহ প্ৰকাশ কৰিছে কংগ্ৰেছৰ সভাপতি মল্লিকাৰ্জুন খৰ্গেয়ে। ইয়াৰ বাবে নিৰ্বাচন আয়োগক দায়ী কৰি খৰ্গে ভাৰতীয় মিত্ৰজোঁটৰ নেতাসকলক একত্ৰিত হৈ এনে অনিয়মৰ বিৰুদ্ধে মাত মাতিবলৈ আহ্বান জনাইছে।
কংগ্ৰেছৰ সভাপতি মল্লিকাৰ্জুন খৰ্গেয়ে ভাৰতীয় মিত্ৰজোঁটৰ সৈতে জড়িত দলসমূহলৈ লিখা এখন পত্ৰত কয় যে প্ৰথম আৰু দ্বিতীয় পৰ্যায়ৰ ভোটদানৰ চূড়ান্ত শতকৰা হাৰত পলম হৈছে। সংবাদ মাধ্যমৰ বাতৰিৰ উদ্ধৃতি দি তেওঁ লগতে লিখিছে যে তৃতীয় পৰ্যায়ৰ ভোটাৰৰ তালিকা প্ৰকাশ হোৱা নাই, এয়া এক আমনিদায়ক কথা।
খৰ্গে কয় যে নিৰ্বাচন আয়োগ এনে এক প্ৰতিষ্ঠান যিটো সাধাৰণ জনতাৰ সামূহিক প্ৰচেষ্টাত সৃষ্টি হৈছে, কিন্তু এই সকলোবোৰ কথাই নিৰ্বাচন আয়োগৰ কাম-কাজৰ ধৰণত গভীৰ সন্দেহৰ সৃষ্টি কৰিছে। তেওঁ কয় যে প্ৰতিটো ভোট কেন্দ্ৰত ভোটদানৰ শতকৰা হাৰ আৰু ভোটৰ শতকৰা হাৰ সম্পৰ্কে তথ্য ২৪ ঘন্টাৰ ভিতৰত আয়োগক দিব লাগে। খৰ্গে কয় যে নিৰ্বাচন আয়োগৰ পৰা যোৱা দুটা পৰ্যায়ৰ ভোটদানৰ তথ্য ওলোৱাত বহু গুৰুত্বপূৰ্ণ তথ্য পোৱা নাই। দুটা পৰ্যায়ৰ ভোটদানৰ অন্তত দুদিন পিছত নিৰ্বাচন আয়োগে মুঠ ভোটদানৰ শতাংশৰ তথ্য প্ৰকাশ কৰে। এই কাম কিয় পলম হ’ল সেই সন্দৰ্ভত নিৰ্বাচন আয়োগে কোনো ব্যাখ্যা দিয়া নাই।
হিন্দুস্থান সমাচাৰ/বিৰঞ্চি/অৰৱিন্দ/মনোজ