আবুধাবি, ০৬ মে’ (হি.স.)। শ্ৰীলংকাই চলিত বছৰৰ ৩ অক্টোবৰৰ পৰা ২০ অক্টোবৰলৈ বাংলাদেশত অনুষ্ঠিত হ’বলগীয়া এইবাৰৰ আইচিচি মহিলা টি-২০ বিশ্বকাপৰ বাবে যোগ্যতা অৰ্জন কৰিছে ।
দেওবাৰে আবুধাবিত অনুষ্ঠিত আইচিচি মহিলা টি-২০ বিশ্বকাপ কোৱালিফায়াৰৰ দ্বিতীয়খন ছেমি ফাইনেলত আয়োজক দল সংযুক্ত আৰব আমিৰশ্বাহীক ১৫ ৰাণত পৰাস্ত কৰে শ্ৰীলংকাই। এই জয়ৰ জৰিয়তে শ্ৰীলংকাই স্কটলেণ্ডৰ সৈতে দ্বিতীয় কোৱালিফায়াৰ হিচাপে টি-২০ বিশ্বকাপ ২০২৪ৰ বাবে যোগ্যতা অৰ্জন কৰে।
এতিয়া ৭ মে’ মঙলবাৰে একেখন খেলপথাৰতে আইচিচি মহিলা টি-২০ বিশ্বকাপ কোৱালিফায়াৰৰ ফাইনেলত স্কটলেণ্ডৰ বিৰুদ্ধে খেলিব।
ৰবিবাৰৰ মেচখনত ইউ এ ইয়ে টছত জয়লাভ কৰি শ্ৰীলংকাক প্ৰথমে বেটিং কৰিবলৈ কয়। ৭.২ অভাৰত ৫২ ৰানৰ অংশীদাৰিত্বৰে শ্ৰীলংকাৰ দলটোক ভাল আৰম্ভণি কৰে অ’পেনাৰ বিষামী গুনাৰত্নে আৰু অধিনায়ক চামাৰী আথাপথুৱে। আথাপথ্থুৱে (২১) একেৰাহে দুটা ছয়কে ধৰি কিছু ডাঙৰ শ্বট খেলিছিল যদিও ইউ এ ইৰ লেগ স্পিনাৰ বৈষ্ণৱ মহেশে (২/৩৩) তেওঁক আউট কৰি ইউ এ ইক সকাহ দিয়ে।
ইয়াৰ পাছতে দ্বিতীয় উইকেটৰ বাবে গুণাৰত্নে আৰু হৰ্ষিতা মাদাৱী (২৪)য়ে ৪৪ ৰান সংযোজন কৰে, এই অংশীদাৰিত্ব ভংগ কৰে মহেশে, যিয়ে ১৬ অভাৰত মাদাৱীক পেভিলিয়নলৈ প্ৰেৰণ কৰে। গুণাৰত্নে ৪৫ (পাঁচ ইনিংছত ১৮০ ৰান) ৰান সংগ্ৰহ কৰি কেথেৰিন ব্ৰাইছক অতিক্ৰম কৰি টুৰ্ণামেণ্টখনৰ আগশাৰীৰ ৰান সংগ্ৰহকাৰী হিচাপে পৰিগণিত হয়। গুনাৰত্নেক ৱাইড বলত ইছা ওজাই (২/২৭) ষ্টাম্প কৰে। এই সোঁহাতৰ বেটছমেনগৰাকীয়ে তেওঁৰ ৪৪ বলৰ ইনিংছত পাঁচটা চাৰিটা কোবাইছিল।
গুণৰাট্নেৰ আউট হোৱাৰ পাছত মিডল অৰ্ডাৰ বেটছমেন হাছিনি পেৰেৰা (১৫), কবিছা দিলহাৰী (১৭) আৰু নীলাক্ষী ডি চিলভাই (১৮) ডেথ অভাৰত ৮টা চাৰি ৰান কৰি দলটোক ২০ অভাৰত ৬টা উইকেট হেৰুৱাই মুঠ ১৪৯ ৰান সংগ্ৰহ কৰাত সহায় কৰে।
লক্ষ্য খেদি যোৱাৰ সময়তে ইউ এ ইৰ হৈ অধিনায়ক ইছা ওজাই প্ৰতিযোগিতাখনৰ শ্ৰেষ্ঠ ইনিংছ খেলিছিল আৰু ইউ এ ইয়ে শ্ৰীলংকাক কঠোৰ যুঁজ দিছিল। ইউ এ ইয়ে প্ৰথম অভাৰতে কোনো ৰান নকৰাকৈয়ে তীৰ্থ সতীশক হেৰুৱায়। ইয়াৰ পিছত ওজাই দ্বিতীয় উইকেটৰ বাবে খুশী শৰ্মা (২২)ৰ সৈতে ৬৬ ৰানৰ অংশীদাৰিত্ব কৰে। তৃতীয় উইকেটৰ বাবে ৩৭ ৰান সংযোজন কৰি কবিছা আগোদেজে ১৬ ৰান সংগ্ৰহ কৰি নিজৰ দলটোক খেলখনত ৰাখিলে।
ওজাই ৪৪টা বলত ৬৬ ৰানৰ বিস্ফোৰক ইনিংছ খেলিছিল, য’ত চাৰিটা বিশাল ছয়ো আছিল। শ্ৰীলংকাই প্ৰয়োজনীয় সফলতা লাভ কৰে যেতিয়া সোঁহাতৰ বেটছমেনগৰাকীক ১৬ অভাৰত ১০৮ ৰান সংগ্ৰহ কৰি উদেশিকা প্ৰবোধিনীয়ে বল কৰে। নিজৰ দৰ্শনীয় ইনিংছৰ সময়ছোৱাত ওজাই গড়ে ৪৭.২৫ ৰান কৰি ১৮৯ ৰান সংগ্ৰহ কৰি গুণৰাত্নেক অতিক্ৰম কৰি প্ৰতিযোগিতাখনৰ সৰ্বকালৰ আগশাৰীৰ ৰান সংগ্ৰহকাৰী হিচাপে পৰিগণিত হয়।
অধিনায়কগৰাকী আউট হোৱাৰ পাছত ইউ এ ইৰ দলটো থৰক বৰক হৈ পৰে, নিম্ন ক্ৰমৰ বেটছমেনসকলে বিশেষ একো কৰিব নোৱাৰিলে আৰু ইউ এ ইৰ দলটোৱে নিৰ্ধাৰিত ২০ অভাৰত ৭ উইকেটত মাত্ৰ ১৩৪ ৰানহে কৰিব পাৰিলে।
শ্ৰীলংকাৰ হৈ চামাৰী আথাপথুৱে চাৰি অভাৰত ২৮ ৰানত দুটা উইকেট দখল কৰে। সুগন্ধিকা কুমাৰী, ইনোছি প্ৰিয়দৰ্শিনী আৰু উদেশিকা প্ৰবোধনীয়ে এটাকৈ উইকেট দখল কৰে।
হিন্দুস্থান সমাচাৰ / সুনীল/মনোজ
