খাৰ্গোন, ০৬ মে’ (হি.স.)। কংগ্ৰেছ নেতা ৰাহুল গান্ধীয়ে আজি মধ্যপ্ৰদেশত নিৰ্বাচনী প্ৰচাৰ চলাব। তেওঁ ইয়াত মালৱা-নিৱাৰ অঞ্চলৰ দুটা লোকসভা সমষ্টিৰ দলীয় প্ৰাৰ্থীৰ সমৰ্থনত ৰাজহুৱা সভাত ভাষণ দিব। ৰাজ্যিক কংগ্ৰেছৰ সভাপতি জিতু পাটোৱাৰীকে ধৰি অন্যান্য বিশিষ্ট নেতাসকলো ৰাজহুৱা সভাত উপস্থিত থাকিব।

কংগ্ৰেছ কাৰ্যালয়ৰ পৰা জানিব পৰা মতে, ৰাহুল গান্ধীয়ে দিনৰ ১২ বজাত জনজাতীয় অধ্যুষিত আলিৰাজপুৰ জিলাৰ জোবাটত উপস্থিত হৈ মালভাঞ্চলৰ ৰাতলাম-ঝাবুৱা আসনৰ পৰা কংগ্ৰেছ প্ৰাৰ্থী কান্তিলাল ভূৰীয়াক সমৰ্থন জনাই ইয়াত এখন ৰাজহুৱা সভাত ভাষণ দিব। ইয়াৰ পিছতে ৰাহুল গান্ধীয়ে নিমাৰ অঞ্চলৰ খাৰগোন-বড়ৱানী লোকসভা আসনৰ পৰা দলৰ প্ৰাৰ্থী পোৰলাল খৰ্টেৰ সমৰ্থনত বিয়লি ২ বজাত খাৰগোন জিলাৰ ছেগাঁৱত এখন ৰাজহুৱা সভাত ভাষণ দিব।

হিন্দুস্থান সমাচাৰ/ মুকেশ/মনোজ