-প্ৰধানমন্ত্ৰীয়ে নিশাৰ বাবে গান্ধীনগৰ ৰাজ ভৱনত জিৰণি ল’ব
-আহমেদাবাদৰ নৰনপুৰাত ভোটদান কৰিব কেন্দ্ৰীয় গৃহমন্ত্ৰী
আহমেদাবাদ, ০৬ মে’ (হি.স.)। গুজৰাটৰ গান্ধীনগৰ লোকসভাৰ আসনৰ বাবে ভোটদানৰ বাবে সোমবাৰে সন্ধিয়া আহমেদাবাদত উপস্থিত হ’ব প্ৰধানমন্ত্ৰী নৰেন্দ্ৰ মোদী। মঙলবাৰে পুৱা ৭.৩০ বজাত ভোটদান কৰিব নৰেন্দ্ৰ মোদীয়ে। প্ৰধানমন্ত্ৰী ভোট দিবলৈ ইয়াত উপস্থিত হ’লে নিৰাপত্তাৰ ব্যৱস্থা কটকটীয়া কৰি তুলিছে প্ৰশাসনে। ইয়াৰ উপৰিও আন ভোটাৰসকলে যাতে কোনো সমস্যাৰ সন্মুখীন নহয় তাৰ বাবে বিশেষ যত্ন লোৱা হৈছে।
তথ্য অনুসৰি সোমবাৰে সন্ধিয়া প্ৰধানমন্ত্ৰী নৰেন্দ্ৰ মোদীয়ে আহমেদাবাদত উপস্থিত হৈ নিশাৰ বাবে গান্ধীনগৰ ৰাজ ভৱনত জিৰণি ল’ব। মঙলবাৰে পুৱা ৭.৩০ বজাত আহমেদাবাদৰ ৰাণীপ অঞ্চলৰ অম্বিকা ছেক্সনৰ সমীপৰ নিশান স্কুলত ভোটদান কৰিব মোদীয়ে। মোডীৰ বুথ আহমেদাবাদৰ সাবৰমতী বিধানসভা সমষ্টিৰ অন্তৰ্গত আৰু সাবৰমতী গান্ধীনগৰ লোকসভা আসনৰ অন্তৰ্গত।
ইয়াৰ উপৰিও কেন্দ্ৰীয় গৃহমন্ত্ৰী অমিত শ্বাহে মঙলবাৰে পুৱা ৯.১৫ বজাত আহমেদাবাদৰ নৰনপুৰাৰ কামেশ্বৰ মহাদেৱ মন্দিৰৰ সমীপৰ উপ মণ্ডল কাৰ্যালয়ৰ ১ নং কোঠাত ভোটদান কৰিব। এই ভোটকেন্দ্ৰটো গান্ধীনগৰ লোকসভা সমষ্টিতো পৰে। মুখ্যমন্ত্ৰী ভূপেন্দ্ৰ পেটেলে ৭ মে’ত পুৱা ৮.৩০ বা ৯.৩০ বজাত শীলজ প্ৰাথমিক বিদ্যালয়ৰ ৯৯ নম্বৰ বুথত ভোটদান কৰিব। ছুৰাটৰ ভটাৰৰ উমা ভৱনৰ সমীপৰ উত্তৰ গুজৰাট স্কুলত পুৱা ৮.৩০ বজাত বিজেপিৰ ৰাজ্যিক সভাপতি চি আৰ পাটিলে ভোটদান কৰিব। ভৱনগৰ জিলাৰ পালিতানাৰ আনোলত অৱস্থিত চৰকাৰী বিদ্যালয়ত পুৱা ৮ বজাত কেন্দ্ৰীয় মন্ত্ৰী মানসুখ মাণ্ডবিয়াই ভোটদান কৰিব। কেন্দ্ৰীয় মন্ত্ৰী পৰশ্বোত্তম ৰূপালাই আমৰেলিৰ ঈশ্বৰিয়াত অৱস্থিত প্ৰাথমিক বিদ্যালয়ত পুৱা ৭ বজাত আমৰেলী লোকসভাৰ আসনৰ বাবে ভোটদান কৰিব । পুৱা ৮ বজাত ৰাজকোটৰ ৰায়িয়া ৰোডৰ ব্ৰহ্ম সমাজৰ সমীপৰ অনিল জ্ঞান মন্দিৰত ভোটদান কৰিব প্ৰাক্তন মুখ্যমন্ত্ৰী বিজয় ৰূপানীয়ে।
হিন্দুস্থান সমাচাৰ/বিনোদ/মনোজ/অৰবিন্দ
