নতুন দিল্লী, ০৬ মে’ (হি.স.)। বিজেপিৰ জ্যেষ্ঠ নেতা, কেন্দ্ৰীয় গৃহ আৰু সমবায় মন্ত্ৰী অমিত শ্বাহ আজি পশ্চিমবংগ আৰু বিহাৰৰ নিৰ্বাচনী ভ্ৰমণলৈ যাব। বিজেপিয়ে নিজৰ এক্স হেণ্ডেলত জ্যেষ্ঠ নেতা তথা কেন্দ্ৰীয় গৃহমন্ত্ৰী অমিত শ্বাহৰ আজিৰ নিৰ্বাচনী ভ্ৰমণৰ কাৰ্যসূচী শ্বেয়াৰ কৰিছে। এই সাধাৰণ নিৰ্বাচনত প্ৰধানমন্ত্ৰী মোডীয়ে ৪০০ অতিক্ৰম কৰাৰ লক্ষ্য পূৰণৰ বাবে দিনে নিশাই জোৰদাৰ প্ৰচাৰ চলাই আছে শ্বাহে।

বিজেপি এক্স হেণ্ডেলৰ মতে, শ্বাহে প্ৰথমে পুৱা ১১.১৫ বজাত পশ্চিম বংগৰ কৃষ্ণনগৰত আৰু তাৰ পিছত দুপৰীয়া ১ বজাত বৰ্ধমান-দুৰ্গাপুৰ লোকসভা সমষ্টিত এখন ৰাজহুৱা সভা সম্বোধন কৰিব। ইয়াৰ পিছত, শ্বাহে নিৰ্বাচনী ভ্ৰমণ সূচীৰে বিহাৰ পাবগৈ।

পাটনা ব্যুৰোৰ তথ্য অনুসৰি বিয়লি ৪ বজাত উজিয়াৰপুৰ সংসদীয় সমষ্টিৰ চৰাইৰঞ্জনৰ নৰঘোঘী হাইস্কুল খেলপথাৰত এখন ৰাজহুৱা সভাত ভাষণ দিব কেন্দ্ৰীয় গৃহমন্ত্ৰী অমিত শ্বাহে। কেন্দ্ৰীয় গৃহ ৰাজ্যিক মন্ত্ৰী নিত্যানন্দ ৰায়ক নিৰ্বাচিত কৰি প্ৰধানমন্ত্ৰী মোডীৰ হাত শক্তিশালী কৰিবলৈ ভোটাৰক আহ্বান জনাব।

বিহাৰ বিজেপিৰ কাৰ্যালয়ৰ তথ্য অনুসৰি বিয়লি ৩:৪৫ বজাত শ্বাহ পাটনা বিমানবন্দৰত উপস্থিত হ’ব। ইয়াৰ পৰা হেলিকপ্টাৰেৰে উজিয়াৰপুৰলৈ ৰাওনা হ’ব। উজিয়াৰপুৰৰ চৰাইৰঞ্জন বিধানসভাৰ নৰঘোঘীৰ মহন্ত ৰামৰাক্ষ দাস উচ্চতৰ মাধ্যমিক বিদ্যালয়ৰ খেলপথাৰত আয়োজিত নিৰ্বাচনী সভাত ভাষণ দিব। উজিয়াৰপুৰৰ পৰা গৃহ ৰাজ্য মন্ত্ৰী নিত্যানন্দ ৰায়ে প্ৰতিদ্বন্দ্বিতা কৰিছে। যোৱা ২৬ দিনৰ ভিতৰত শ্বাহৰ এয়া চতুৰ্থবাৰৰ বাবে বিহাৰ ভ্ৰমণ।

হিন্দুস্থান সমাচাৰ/মুকুন্দ/মনোজ