চৰাইদেউ, ০৬ মে (হি.স.)। আজি চৰাইদেউ জিলাৰ বৰুৱানগৰ ৰাজহুৱা খেলপথাৰত ৫৯ তম্ আঞ্চলিক ৰঙালী বিহু সন্মিলনৰ প্ৰথম দিনাৰ কাৰ্য্যসূচী অনুষ্ঠিত হয়। পতাকা উত্তোলন কৰে উদযাপন সমিতিৰ সভাপতি আৰু অৱসৰপ্ৰাপ্ত শিক্ষক বলোৰাম চেতিয়াই , স্মৃতি তৰ্পণ কৰে উদযাপন সমিতিৰ কাৰ্যকৰী সভাপতি হেমন্ত চাংমায়ে, স্থায়ী অতিথিশালা আৰু কাৰ্য্যালয় শুভ উদ্বোধন কৰে শিক্ষক ঘণকান্ত ফুকনে।

আজি ৰচনা , চিত্ৰাংকন , হুঁচৰি , চেমনীয়া হুঁচৰি, গাভৰু বিহু, জেং বিহু, বিহুৱতী, সৰু বিহুৱতী প্ৰতিযোগীতা অনুষ্ঠিত হয়।৮ মে' তাৰিখে সাংস্কৃতিক সন্ধিয়াত গীত পৰিৱেশন কৰিব জনপ্ৰিয় কণ্ঠশিল্পী প্ৰাণদ্বীপ আৰু চৈতন্য চান গগৈয়ে।

হিন্দুস্থান সমাচাৰ / কিশোৰ/ৰমেন/আলোক.