-ভাৰতীয় নৌসেনাই ৬০ হাজাৰ কোটি টকাৰ নিবিদা জাৰি কৰি আৰম্ভ কৰিলে এই প্ৰক্ৰিয়া

- মাঝগাঁও ডাকয়াৰ্ড লিমিটেড আৰু লাৰ্চেন এণ্ড ট্ৰাব্ৰোৱে কৰিব চাবমেৰিন নিৰ্মাণ

নতুন দিল্লী, ০৫ মে’ (হি.স.) । ভাৰতীয় নৌসেনাৰ বাবে ছখন অতি উন্নত চাবমেৰিন ভাৰতত জাৰ্মান চাবমেৰিন নিৰ্মাতা কোম্পানী থাইচেনক্ৰুপ মেৰিন চিষ্টেমছৰ সহযোগত নিৰ্মাণ কৰা হ’ব। ভাৰতৰ নৌসেনাই ২০২০ চনৰ পৰা ছখন চাবমেৰিনৰ বাবে বিদেশী অংশীদাৰ বিচাৰি আছিল। এতিয়া এই ছখন চাবমেৰিনৰ নিৰ্মাণৰ কাম ভাৰতীয় জাহাজ নিৰ্মাণ কাৰখানা মাঝগাঁও ডকয়াৰ্ড লিমিটেডত লাৰ্চেন এণ্ড টৌব্ৰ’ৰ সৈতে অংশীদাৰিত্বৰে চূড়ান্ত কৰা হৈছে। নৌসেনাই ৬০ হাজাৰ কোটি টকাৰ নিবিদা জাৰি কৰি ছাবমেৰিন নিৰ্মাণৰ পৰীক্ষা আৰম্ভ কৰিছে।

গতানুগতিক চাবমেৰিন বহৰৰ আধুনিকীকৰণৰ দিশত কাম কৰি থকা ভাৰতীয় নৌসেনাই বিদেশী বিক্ৰেতাৰ সৈতে ভাৰতীয় অংশীদাৰিত্বৰে ছখন চাবমেৰিন নিৰ্মাণৰ বাবে ভাৰতীয় জাহাজ নিৰ্মাণ কাৰখানা মাঝগাঁও ডকয়াৰ্ড লিমিটেড আৰু লাৰ্চেন এণ্ড টৌব্ৰ’ক নিবিদা জাৰি কৰিছে। জাৰ্মান কোম্পানী মেগা থাইচেনক্ৰুপ মেৰিন চিষ্টেমছে ভাৰতীয় প্ৰতিৰক্ষা মন্ত্ৰালয়ৰ জাহাজ নিৰ্মাণ কাৰখানা মাজাগন ডক শ্বিপবিল্ডাৰ্ছ লিমিটেড (এমডিএল)ৰ সৈতে এই নিবিদাৰ বাবে অংশীদাৰিত্ব কৰিছে। চলিত বৰ্ষৰ মাৰ্চ মাহত নৌসেনাৰ এটা দলে জাৰ্মানীৰ এয়াৰ ইণ্ডিপেণ্ডেণ্ট প্ৰপালচন চিষ্টেম চাবলৈ জাৰ্মানী ভ্ৰমণ কৰিছিল।

ভাৰতীয় প্ৰতিৰক্ষা পিএছইউ মাঝগাঁও ডক শ্বিপবিল্ডাৰ্ছ লিমিটেড (এমডিএল) আৰু জাৰ্মানীৰ থাইচেনক্ৰুপ মেৰিন চিষ্টেমছে ২০২৩ চনৰ জুন মাহত প্ৰজেক্ট ৭৫আইৰ নিবিদাত অংশগ্ৰহণৰ বাবে বুজাবুজি চুক্তি স্বাক্ষৰ কৰিছিল। বুজাবুজি চুক্তি অনুসৰি থিচেনক্ৰুপে মুম্বাইস্থিত এমডিএলত ছখন চাবমেৰিনৰ অভিযান্ত্ৰিক আৰু ডিজাইন আৰু নিৰ্মাণৰ ব্যৱস্থা কৰিব। এই নিবিদাত এমডিএল মুখ্য অংশীদাৰ, য’ত ৬০ শতাংশতকৈ অধিক থলুৱা সামগ্ৰীৰে ছখন চাবমেৰিন নিৰ্মাণ হ’ব।

দৰাচলতে ভাৰতত নিৰ্মিত চাবমেৰিনসমূহত এয়াৰ-ইণ্ডিপেণ্ডেণ্ট প্ৰপালচন চিষ্টেম (এআইপি) বিশেষত্ব থাকিব, যাৰ ফলত ইহঁতক পানীৰ তলত দীৰ্ঘদিন থাকিবলৈ সক্ষম হ’ব। জাৰ্মান চাবমেৰিন নিৰ্মাণ কৰাটো এমডিএলৰ বাবে নতুন কথা নহয়। ইয়াৰ পূৰ্বেও ভাৰতে জাৰ্মান এইচ ডি ডব্লিউৰ সৈতে চাৰিখন চাবমেৰিনৰ বাবে চুক্তিবদ্ধ হৈছিল, ইয়াৰে দুখন এম ডি এলৰ দ্বাৰা নিৰ্মাণ কৰা হৈছিল।

থাইচেনক্ৰুপ মেৰিন চিষ্টেমছৰ চিইঅ’ তথা থিচেনক্ৰুপৰ মেনেজমেণ্ট ব’ৰ্ডৰ সদস্য অলিভাৰ বাৰ্খাৰ্ডে কয় যে আমি ইয়াৰ বাবে অতি গৌৰৱান্বিত আৰু ভৱিষ্যতেও ভাৰতৰ ৰাষ্ট্ৰীয় নিৰাপত্তাৰ দিশত অৰিহণা যোগাবলৈ পাই সুখী হ’ম। আমি ভাৰতৰ সৈতে এক বিশ্বাসযোগ্য আৰু দশকজোৰা অংশীদাৰিত্বৰ বাবে আগ্ৰহী। আশীৰ দশকত আমি নিৰ্মাণ কৰা জাহাজবোৰ আজিও সেৱাত আছে।

হিন্দুস্থান সমাচাৰ/সুনীত/মনোজ