আমেৰিকা,০৫ মে’ (হি.স.): অহা জুন মাহত আমেৰিকাত আৰম্ভ হ’ব টি-২০ বিশ্বকাপ। বিশ্বকাপৰ গ্ৰুপ পৰ্যায়ৰ আটাইতকৈ গুৰুত্বপূৰ্ণ ভাৰত-পাকিস্তান খেলখন অহা ৯ জুনত নিউয়ৰ্কত অনুষ্ঠিত হ’ব। আৰু এই মেচ টিকটৰ দাম দুগুণ বৃদ্ধি পালে।

আমেৰিকাৰ সংবাদ মাধ্যমে প্ৰকাশ কৰিছে যে ভাৰত-পাকিস্তান খেলখনৰ টিকট ১,৩০০ আমেৰিকান ডলাৰৰ পৰা ২,৫০০ আমেৰিকান ডলাৰলৈ বৃদ্ধি পাইছে। কোৱা হয় যে আমেৰিকা যুক্তৰাষ্ট্ৰ আৰু চুবুৰীয়া কানাডাত ভাৰতীয় আৰু পাকিস্তানী প্ৰবাসীসকলৰ বাবে টিকটৰ মূল্য বৃদ্ধি পাইছে।

এয়া প্ৰথমবাৰৰ বাবে ভাৰত আৰু পাকিস্তানে আমেৰিকা যুক্তৰাষ্ট্ৰত খেলিব। গতিকে প্ৰবাসীসকলে বিশ্বকাপৰ এনে এক ৰোমাঞ্চকৰ খেল চাবলৈ অতি আগ্ৰহী। খেলখনৰ স্থান হৈছে নাচাউ ষ্টেডিয়াম। এই ষ্টেডিয়ামৰ ধাৰণ ক্ষমতা হৈছে প্ৰায় ৩৪,০০০ গৰাকী।

হিন্দুস্থান সমাচাৰ / শান্তি/মনোজ