নতুন দিল্লী, ০৪ মে’ (হি.স.) দিল্লী বিশ্ববিদ্যালয়ৰ মুক্ত শিক্ষা বিদ্যালয়ৰ ৬২ সংখ্যক প্ৰতিষ্ঠা দিৱস অহা ০৬ মে’ত (সোমবাৰ) কনভেনশ্যন হলত অনুষ্ঠিত হ’ব। এই অনুষ্ঠানত মুখ্য অতিথি হিচাপে উপস্থিত থাকিব উপ-ৰাষ্ট্ৰপতি জগদীপ ধনখৰ।
এছ অ’ এলৰ সঞ্চালক অধ্যাপক ড.পয়াল মাগোৱে শনিবাৰে কয় যে এই অনুষ্ঠানৰ বিষয়বস্তু হৈছে উন্নত ভাৰত গঢ়াত বিনামূলীয়া শিক্ষাৰ অৱদান। এই অনুষ্ঠানৰ সভাপতিত্ব কৰিব দিল্লী বিশ্ববিদ্যালয়ৰ উপাচাৰ্য অধ্যাপক যোগেশ সিঙে ।
এই অনুষ্ঠানত এছ অ’ এলৰ তিনিগৰাকী ছাত্ৰ-ছাত্ৰীক সম্বৰ্ধনা জনোৱা হ’ব। ইয়াৰ ভিতৰত দিল্লী বিশ্ববিদ্যালয়ৰ দুগৰাকী টপাৰ ছাত্ৰ পয়াল সিং (বি.এ. লাইব্ৰেৰী ছায়েন্স) আৰু নেন্সি গোৱেল (এম.এ. ৰাজনীতি বিজ্ঞান)ক পুৰস্কৃত কৰাৰ লগতে অৰ্জুন বঁটা বিজয়ী দীক্ষা দাগৰকো সন্মানিত কৰা হ’ব।
উল্লেখযোগ্য যে ১৯৬২ চনত দিল্লী বিশ্ববিদ্যালয়ৰ অধীনত ভাৰতৰ প্ৰথমটো দূৰ শিক্ষা প্ৰতিষ্ঠান হিচাপে প্ৰতিষ্ঠা হোৱা মুক্ত শিক্ষা বিদ্যালয়ে ৯০০ ছাত্ৰ-ছাত্ৰীৰে আৰম্ভ কৰি বৰ্তমান ৪ লাখ ছাত্ৰ-ছাত্ৰীৰ ভৱিষ্যত গঢ়াত ব্ৰতী হৈ আছে।
হিন্দুস্থান সমাচাৰ/সুশীল/মনোজ
