ডিব্ৰুগড়, ৩০ এপ্ৰিল (হি স)। কৰ্মৰ সন্ধানত বহিঃৰাজ্যলৈ গৈ সন্ধানহীন হৈ পৰিছে টিংখাঙৰ ভালুকমৰা গাঁৱৰ এজন ব্যক্তি । উমাকান্ত বৰা (৫৫) নামৰ লোকজনে যোৱা ২০ এপ্ৰিলত ঘৰৰ পৰা দিনৰ ভাগত ওলাই গৈছিল ।
জানিব পৰামতে, একে গাঁৱৰে হৰিপ্ৰসাদ ভুমিজ আৰু কাজি নামৰ লোক দুজনৰ সৈতে তিনিচুকীয়াৰ পৰা অন্ধপ্ৰদেশ লৈ বুলি ৰেলেৰে ৰাওনা হৈছিল । ইয়াৰ পিছতে সোমবাৰে পুৱা শেষ বাৰৰ বাবে ফোনত যোগাযোগ হয় । মঙলবাৰে দুপৰীয়াৰ লগৰ এজনৰ লগত যোগাযোগ হয় যদিও উমাকান্ত বৰা সৈতে কথা হোৱা নাছিল । তেওঁৰ লগৰ এজনে উমাকান্ত বৰা বিয়লি কোঠাৰ পৰা ওলাই গৈ বৰ্তমান লৈকে ঘুৰি অহা নাই অৱগত কৰে । ইয়াৰ পিছৰে পৰা উমাকান্ত বৰাৰ সৈতে কোনো যোগাযোগ হোৱা নাই পৰিয়ালটোৰ । উমাকান্ত বৰাৰ নিৰুদ্দেশৰ খৱৰ পোৱাৰ পিছতে পৰিয়ালটোত এতিয়া হাহাকাৰ অৱস্থাৰ সৃষ্টি হৈছে ।
উল্লেখ্য যে, মঙ্গল নামৰ এজন লোকে তেওঁলোকক অন্ধপ্ৰদেশলৈ প্ৰেৰণ কৰিছিল ।
হিন্দুস্থান সমাচাৰ/প্ৰকাশ/মনোজ