–তৃতীয় লোকসভা নিৰ্বাচনৰ বাবে সাজু নিৰ্বাচন বিভাগ
চিৰাং, ২৯ এপ্ৰিল (হি স)। কোকৰাঝাৰ লোকসভা সমষ্টিৰ অধীনৰ তিনিটাকৈ বিধানসভা সমষ্টিৰ নিৰ্বাচন প্ৰস্তুতি সম্পৰ্কে বুজ ল’বলৈ চিৰাং -কোকৰাঝাৰ জিলাত অসমৰ মুখ্য নিৰ্বাচন বিষয়া অনুৰাগ গোৱেল ৷ মুখ্য নিৰ্বাচন বিষয়া অনুৰাগ গোৱেলে আজি গোসাইগাঁও, বিজনী নিৰ্বাচনী জিলা পৰিভ্ৰমণ কৰাৰ পাছতে চিদলী-চিৰাং নিৰ্বাচন জিলাৰ প্ৰস্তুতি সম্পৰ্কে চিৰাঙৰ সদৰ কাজলগাঁৱত জিলা নিৰ্বাচনী বিষয়া পি বিজয় ভাস্কৰ ৰেড্ডী, চিৰাঙৰ আৰক্ষী অধীক্ষক প্ৰাণজিত বৰা সহিতে বিষয়া সকলৰ স''তে বিভিন্ন কোষৰ অগ্ৰগতিৰ বুজ লয় ।
এই বৈঠকৰ অন্তত ৰাজ্যিক নিৰ্বাচন বিষয়া অনুৰাগ গোৱেলে সংবাদ মাধ্যমৰ আগত প্ৰকাশ কৰে যে, সমাগত তৃতীয় পৰ্যায়ৰ লোকসভা নিৰ্বাচনৰ বাবে নিৰ্বাচন বিভাগৰ পৰা সাজু হৈছে ৷ আজি গোসাইগাঁও, বিজনীৰ পাছত চিদলী- চিৰাং বিধানসভা সমষ্টিৰ কাজলগাঁও জিলা কেন্দ্ৰত স্থাপন কৰা ষ্ট্ৰং ৰূম আৰু ভোট গণনা কেন্দ্ৰ পৰিদৰ্শন কৰে ৷ নিৰ্বাচন বিভাগৰ পৰা শান্তিপূৰ্ণ আৰু মুক্ত নিৰ্বাচন অনুষ্ঠিত কৰাৰ বাবে সকলো ধৰণৰ ব্যৱস্থা গ্ৰহণ কৰা হৈছে ৷
তেওঁ কয়, সমষ্টি সমূহত ভোট গ্ৰহণৰ বাবে পৰ্যাপ্ত পৰিমাণে ই ভি এম মজুত কৰা হৈছে ৷ ভোট গ্ৰহণ কেন্দ্ৰলৈ যোৱা সকলো বাহনতে জিপিএছ (GPS) সংযোগ কৰা হৈছে ৷ কোনো ইভিএমৰ কাৰিকৰী বিজুতি ঘটিলে ইয়াৰ বাবে তৎক্ষাণিক ব্যৱস্থা গ্ৰহণ কৰা হ’ব ৷ অসমৰ নিৰ্বাচন বিষয়া অনুৰাগ গোৱেলে সকলো নাগৰিকক ৭ মে’ৰ দিনা ওলাই আহি নিজৰ গণতান্ত্ৰিক অধিকাৰ সাব্যস্ত কৰিবলৈ আহ্বান জনায় ৷
হিন্দুস্থান সমাচাৰ/প্ৰকাশ/মনোজ