–এই আহাৰ কাউণ্টাৰসমূহ উত্তৰ পূব সীমান্ত ৰেলৱেৰ অন্তৰ্গত ০৮ টা ষ্টেচনত কাৰ্যক্ষম
গুৱাহাটী, ২৩ এপ্ৰিল (হি স)। উত্তৰ-পূব সীমান্ত ৰে'লৱেই (এনএফআৰ) ইয়াৰ অধিক্ষেত্ৰৰ অধীনৰ সকলো ৰে’ল ষ্টেচন আৰু দীৰ্ঘ দূৰত্বৰ ৰে’লসমূহত যাত্ৰীসকলক সুলভ বাজেট-অনুকূল নিম্নতম মূল্যৰ আহাৰ আৰু পেকেটযুক্ত খোৱা পানী উপলব্ধ কৰাৰ সিদ্ধান্ত গ্ৰহণ কৰিছে। এই সেৱাসমূহ গ্ৰীষ্মকালীন বিশেষ ৰে’লকে ধৰি উত্তৰ পূব সীমান্ত ৰেলৱেৰ ০৮ টা ষ্টেচনৰ ০৯ টা স্থানত উপলব্ধ আছে, যেনে গুৱাহাটী, কামাখ্যা, ৰঙিয়া, নিউ কোচবিহাৰ, কাটিহাৰ, নিউ তিনিচুকীয়া, নাহৰলগুণ, নিউ আলিপুৰদুৱাৰ, যাতে যাত্ৰীসকলে তেওঁলোকৰ সমগ্ৰ যাত্ৰাত মানসম্পন্ন সেৱা অনুভৱ কৰিবলৈ সুযোগ লাভ কৰে। এই পদক্ষেপসমূহৰ ভিতৰত সাধাৰণ দ্বিতীয় শ্ৰেণী আৰু শ্লীপাৰ শ্ৰেণীৰ কম্পাৰ্টমেণ্টৰ ওচৰত খোৱা পানীৰ বটল স্থাপন কৰা, লগতে এইসমূহ দীৰ্ঘ দূৰত্বৰ ৰে’লৰ কম্পাৰ্টমেণ্টত পোনপটীয়াকৈ উপলব্ধ কৰাৰ ব্যৱস্থাও অন্তৰ্ভুক্ত আছে।
ভাৰতীয় ৰে'লৱেই সাধাৰণ ডবাসমূহৰ যাত্ৰীসকলক ২০ টকাৰ নিম্নতম মূল্যত সুলভ আহাৰ প্ৰদান কৰাৰ লগতে সুলভ মূল্যত ২০০ মিলি পানীৰ গিলাচৰ সৈতে ৫০ টকা মূল্যৰ জলপানৰ পেকেট প্ৰদান কৰাৰ কাৰ্যকৰী পদক্ষেপ গ্ৰহণ কৰিছে। আইআৰচিটিচি বিক্ৰেতাসকল ট্ৰেৰ সৈতে নিয়োজিত হৈ থাকি যাত্ৰীসকলক খাদ্যৰ পেকেট আৰু খোৱা পানীৰ সৈতে সহায় কৰিবলৈ সাজু হৈ থাকে। এই পেকেট-অনুকূল বিকল্পসমূহে নিশ্চিত কৰে যে যাত্ৰীসকলে তেওঁলোকৰ মৌলিক প্ৰয়োজনীয়তা সন্দৰ্ভত নিশ্চিতভাৱে তেওঁলোকৰ যাত্ৰা উপভোগ কৰিব পাৰিব।
এই সেৱা যোৱা বছৰ প্ৰায় ৫১ টা ষ্টেচনত সফলতাৰে কাৰ্যকৰী কৰা হৈছিল। সেই সফলতাৰ ওপৰত নিৰ্ভৰ কৰি, ৰে'লৱেই এই কাৰ্যসূচীটো যথেষ্ট সম্প্ৰসাৰিত কৰিছে, এতিয়া সমগ্ৰ ভাৰতীয় ৰে'লৱেত ১০০টাতকৈও অধিক ষ্টেচন আৰু মুঠ প্ৰায় ১৫০টা কাউণ্টাৰ কাৰ্যকৰী হৈ আছে। এই পদক্ষেপটো অধিক উন্নতকৰণৰ বাবে নিৰ্ধাৰণ কৰা হৈছে আৰু ইয়াৰ বাবে অদূৰ ভৱিষ্যতে আৰু অধিক ষ্টেচন সামৰি লোৱা হ'ব।
এই কাৰ্যসূচীয়ে যাত্ৰীসকলৰ বাবে, বিশেষকৈ সাধাৰণ শ্ৰেণীৰ ডবাত ভ্ৰমণ কৰা সকলৰ বাবে এক গুৰুত্বপূৰ্ণ লাভালাভ প্ৰদান কৰে। সহজে উপলব্ধ, সুলভ আহাৰ আৰু জলপানে নিশ্চিত কৰে যে ভ্ৰমণকাৰীসকলে তেওঁলোকৰ সমগ্ৰ যাত্ৰাত আৰামদায়ক হৈ থাকিব পাৰিব।
হিন্দুস্থান সমাচাৰ/মনোজ/অৰবিন্দ
