নতুন দিল্লী, ২৯ নৱেম্বৰ (হি.স.)। ভাৰতীয় গ্ৰেণ্ডমাষ্টাৰ ডি গুকেশে শুকুৰবাৰে ছিংগাপুৰত অনুষ্ঠিত বিশ্ব দবা চেম্পিয়নশ্বিপৰ চতুৰ্থখন খেলত চীনৰ ডিং লিৰেনৰ বিৰুদ্ধে ক’লা টুকুৰাৰে ড্ৰ’ কৰে।

গেম ৪ ত ডিং লিৰেনে বগা টুকুৰাবোৰৰ পৰা আৰম্ভ কৰিছিল। লিৰেনে জুকাৰটৰ্টৰ অ’পেনিঙৰ পৰা আৰম্ভ কৰাৰ পিছত গেম ৪ আৰম্ভ কৰিছিল অ’পেনিং মুভৰ এক অনন্য সংমিশ্ৰণেৰে, যিয়ে খেলৰ আৰম্ভণিতে তেওঁৰ যুৱ প্ৰতিদ্বন্দ্বী গুকেশক সামান্য স্তম্ভিত কৰি তুলিছিল। কিন্তু ১১টা মুভৰ অন্তত ইতিমধ্যে ডিং লিৰেনৰ তুলনাত ১৩ মিনিট আগবাঢ়ি আছিল গুকেশ। এই মেচখন ২৩টা খোজত ড্ৰ’ত সমাপ্ত হয়। এতিয়ালৈকে কেৱল গুকেশে বগা টুকুৰাৰে খেলি নিৰ্ণায়ক ফলাফল লাভ কৰিছে।

উল্লেখ্য যে গেম ৩ত গুকেশে সময়মতে চীনৰ বিশ্ব চেম্পিয়নক পৰাস্ত কৰি ১.৫-১.৫ পইন্টত সমতা স্থাপন কৰে।

এই ফলাফলে খিতাপৰ মেচখন ২-২ পইণ্টত সমতা স্থাপন কৰাটো নিশ্চিত কৰিছিল। শনিবাৰে দুয়োটা দলে পঞ্চম ৰাউণ্ডৰ বাবে পুনৰ মুখামুখি হ’ব।

এই বিশ্ব চেম্পিয়নশ্বিপত মুঠ ১৪টা ৰাউণ্ড অনুষ্ঠিত হ’ব, য’ত ৭.৫ পইণ্ট লাভ কৰা প্ৰথমজন খেলুৱৈয়ে বিশ্ব চেম্পিয়ন হ’ব।

হিন্দুস্থান সমাচাৰ / মনোজ কুমাৰ শইকীয়া