ধুবুৰী, ২৮ নৱেম্বৰ (হি.স.): অবৈধ ড্ৰাগছৰ বিৰুদ্ধে ধুবুৰীৰ গোলোকগঞ্জ আৰক্ষীয়ে বৃহৎ অভিযান চলায়। অভিযানত ড্ৰাগছ সহ আটক কৰিলে এজন যুৱকক ৷

প্ৰাপ্ত তথ্য মতে কালি সন্ধিয়াৰ ভাগত এক গোপন সুত্ৰৰ আধাৰত গোলকগঞ্জ আৰক্ষীয়ে গোলকগঞ্জৰ বিছনদৈ বাঘমৰা বজাৰত অভিযান চলাই আজিমুল হক নামৰ এজন যুৱকক আটক কৰে। ছানি নামৰ আন এজন যুৱক পলায়ন কৰে। আটকাধীন যুৱক জনৰ পৰা আৰক্ষীয়ে দুটাকৈ টা সন্দেহজনক ব্ৰাউন ছুগাৰৰ ভৰ্তি কন্টেনাৰ আৰু এএছ ১৯ পি ০২১৪ নম্বৰৰ ৰয়েল এনফিল্ড বাইক জব্দ কৰে। আটকাধীন আজিমুল হক নামৰ যুৱক জনৰ ঘৰ হালাকুৰাৰ বিদ্যাডাবৰী পঞ্চম খণ্ডত বুলি জানিব পৰা গৈছে।

হিন্দুস্থান সমাচাৰ / কিশোৰ মিশ্ৰ