পেছাৱৰ, ২০ নৱেম্বৰ (হি.স.)। পাকিস্তানৰ খাইবাৰ পখতুনখোৱা প্ৰদেশৰ অশান্ত বান্নু জিলাত যোৱা ২৪ ঘন্টাত সন্ত্ৰাসবাদীৰ সৈতে যুঁজি থকা অৱস্থাত কমেও ১১জন নিৰাপত্তা বাহিনীৰ লোকে প্ৰাণ হেৰুৱাইছে।

সূত্ৰৰ উদ্ধৃতি দি ডন কাকতত প্ৰকাশিত বাতৰি অনুসৰি মঙলবাৰে বান্নুৰ জানিখেল অঞ্চলৰ মালি খেল চৌকী সমীপত আত্মঘাতী আক্ৰমণত প্ৰায় ১১ জন জোৱান নিহত হোৱাৰ বিপৰীতে দুজন জোৱানৰ অৱস্থা সংকটজনক বুলি কোৱা হৈছে। অতিৰিক্ত নিৰাপত্তা বাহিনীয়ে স্থানত উপস্থিত হোৱাৰ পিছত আহত আৰু জোৱানৰ মৃতদেহ উদ্ধাৰ কৰা হয়।

যোৱা মাহৰ শেষৰ ফালে একেখন জিলাৰ বাক্কা খেল এলেকাত গুলীচালনাত এজন সেনা মেজৰকে ধৰি তিনিজন নিৰাপত্তাৰক্ষী নিহত হৈছিল। সপ্তাহৰ শেষৰ ফালে খাইবাৰ পাখতুনখোৱা প্ৰদেশৰ তিৰাহ উপত্যকাত সন্ত্ৰাসবাদীৰ সৈতে হোৱা তীব্ৰ গুলিয়াগুলিত কমেও ৮ জন নিৰাপত্তাৰক্ষী নিহত হৈছিল।

হিন্দুস্থান সমাচাৰ / মনোজ কুমাৰ শইকীয়া