নলবাৰী, ১৬ অক্টোবৰ (হি.স.)। টিহুৰ মাখিবাহাত নিশা সংঘটিত হয় এক ভয়ংকৰ অগ্নিকাণ্ডৰ ঘটনা। মাখিবাহাৰ নিউ চ'কত সংঘটিত হয় এই অগ্নিকাণ্ড। অগ্নিকাণ্ডৰ ফলত তিনিখন কৈ ব্যৱসায়ী প্ৰতিষ্ঠান ভষ্মিভূত হয়।

নিশা পহৰা দিয়া আৰক্ষীয়ে দোকান কেইখনত জুই লাগি থকা প্ৰত্যক্ষ কৰি হৈ চৈ লগাই আৰু অগ্নিনিৰ্ব্বাপক বাহিনীক খবৰ দিয়ে। ইয়াৰ পিছতে স্থানীয় ৰাইজ উপস্থিত হয় আৰু অগ্নিনিৰ্ব্বাপক বাহিনীয়ে ৰাইজৰ সহযোগত জুই নিৰ্বাপিত কৰিবলৈ সক্ষম হয়।

শ্বৰ্ট চাৰ্কিটৰ ফলতেই এই অগ্নিকাণ্ড সংঘটিত হোৱাৰ সন্দেহ কৰিছে ৰাইজে। উল্লেখ্য যে প্ৰায় এবছৰ পূৰ্বেও মাখিবাহা নিউ চ'কত অগ্নিকাণ্ড সংঘটিত হৈ পাঁচ খন দোকান ভষ্মিভূত হৈছিল।

হিন্দুস্থান সমাচাৰ / নিৰ্মলেন্দু