টেল আভিভ, ০১ অক্টোবৰ (হি.স.)। হিজবুল্লাহৰ মুৰব্বী হাছান নছৰল্লাহক ধৰাশায়ী কৰাৰ লগতে অবিৰত বিমান আক্ৰমণৰ পিছত ইজৰাইল সেনাই লেবাননত প্ৰৱেশ কৰি স্থল আক্ৰমণ আৰম্ভ কৰিছে। মঙলবাৰে ইজৰাইল সেনাই কয় যে তেওঁলোকৰ সৈন্যই দক্ষিণ লেবাননৰ হিজবুল্লাহৰ ঘাটি আৰু আন্তঃগাঁথনিৰ বিৰুদ্ধে সীমিত আৰু লক্ষ্য নিৰ্ধাৰণ কৰি স্থল আক্ৰমণ চলাইছে। আইডিএফে লেবাননৰ ভূমিত প্ৰৱেশ কৰি সীমান্তৰ হিজবুল্লাহৰ সুৰংগবোৰ বিচাৰিছে। ইজৰাইলক লেবাননৰ পৰা পৃথক কৰা ব্লু লাইনৰ ওচৰত ইজৰাইলী সেনাৰ ৰাডাৰত হিজবুল্লাহৰ সুৰংগসমূহ আছে।
ইজৰাইল প্ৰতিৰক্ষা বাহিনীয়ে ছ’চিয়েল মিডিয়াত শ্বেয়াৰ কৰা এটা পোষ্টত কয় যে দক্ষিণ লেবাননত হিজবুল্লাহৰ সন্ত্ৰাসবাদী লক্ষ্যৰ বিৰুদ্ধে সঠিক চোৰাংচোৱাৰ ভিত্তিত সীমিত আৰু লক্ষ্যভিত্তিক স্থল অভিযান আৰম্ভ কৰিছে। লেবাননৰ সীমান্তৱৰ্তী গাঁওসমূহক লক্ষ্য কৰি লোৱা হৈছে কাৰণ ইয়াত বহু হিজবুল্লাহৰ আত্মগোপন স্থান আছে যিবোৰ এতিয়াও ভাবুকি হৈয়ে আছে। ইজৰাইলৰ বায়ুসেনাই এই স্থল অভিযানত সহায় কৰিছে।
যোৱা ১০ দিনত ইজৰাইলৰ আক্ৰমণত নিহত হৈছে নছৰল্লাহ আৰু তেওঁৰ ৬ গৰাকী শীৰ্ষ সেনাধ্যক্ষ আৰু সহযোগী। স্বাস্থ্য মন্ত্ৰালয়ৰ তথ্য অনুসৰি যোৱা দুসপ্তাহত দেশত ১০০০ৰো অধিক লোকৰ মৃত্যু হৈছে। ইজৰাইলৰ সেনাবাহিনীৰ মতে, তেওঁলোকে লেবাননৰ বৃহৎ অঞ্চলৰ সন্ত্ৰাসবাদী লক্ষ্যক লক্ষ্য কৰি লৈছে।
যোৱা কিছুদিন ধৰি হিজবুল্লাহৰ যথেষ্ট লোকচান হৈছে যদিও ইয়াৰ ভাৰপ্ৰাপ্ত নেতা নাইম কাছেমে এক বিবৃতি প্ৰকাশ কৰি কয় যে ইজৰাইলে স্থল আক্ৰমণৰ সিদ্ধান্ত ল’লে হিজবুল্লাহৰ যোদ্ধাসকল সাজু। ইতিমধ্যে নিহত সেনাপতিসকলক সলনি কৰা হৈছে বুলি দাবী কৰিছে নাইমে। নামি দীৰ্ঘদিন ধৰি নছৰল্লাহৰ ডেপুটি হিচাপে আছিল তেওঁক হত্যা কৰাৰ পিছত সংগঠনটোৰ তাৎক্ষণিক দায়িত্ব গ্ৰহণ কৰি আছে।
হিন্দুস্থান সমাচাৰ / অৰৱিন্দ
