নতুন দিল্লী, ০৮ ছেপ্টেম্বৰ (হি.স.)। ভাৰতীয় মূলৰ ধৰ্মীয় সংগঠন বিএপিএছৰ এটা প্ৰতিনিধি দলে পেৰিছৰ আইফেল টাৱাৰলৈ ব্যক্তিগত ভ্ৰমণৰ সময়ত কিছুমান বিশেষ অঞ্চলৰ পৰা মহিলা কৰ্মচাৰীক আঁতৰাই দিয়া বা পুৰুষ কৰ্মচাৰীক নিযুক্তি দিয়াৰ অভিযোগ উত্থাপন হোৱা বাতৰি সন্দৰ্ভত বৈদেশিক পৰিক্ৰমা মন্ত্ৰালয়ে কোনো স্থিতি গ্ৰহণ কৰা নাই। মন্ত্ৰালয়ে উল্লেখ কৰিছে যে এইটো সংশ্লিষ্ট পক্ষৰ বিষয়।

বিগত ৫ ছেপ্টেম্বৰত বিএপিএছৰ প্ৰতিনিধি দলটোৱে আইফেল টাৱাৰ ভ্ৰমণৰ সৈতে জড়িত এই বিতৰ্ক। পেৰিছৰ ওচৰত বিএপিএছে নিৰ্মাণ কৰিছে প্ৰথমটো বৃহৎ পৰম্পৰাগত হিন্দু মন্দিৰ। খবৰ অনুসৰি প্ৰতিনিধি দলটোত থকা ব্ৰহ্মচাৰী সন্ন্যাসীসকলে মহিলাৰ সৈতে সংস্পৰ্শ বা আদান-প্ৰদানৰ পৰা আঁতৰি থাকিবলৈ ধৰ্মীয় ব্ৰত পালন কৰে। ইয়াৰ ভিত্তিত আইফেল টাৱাৰ পৰিচালনা কৰা সংস্থা এছইটিই-এ এই ভ্ৰমণৰ সময়ত কিছু মহিলা কৰ্মচাৰী নিয়োগৰ ব্যৱস্থা কৰা বুলি জানিব পৰা গৈছে।

মুখপাত্ৰগৰাকীয়ে কয় যে, পেৰিছ অঞ্চলত বিএপিএছ সংস্থাই এটা মন্দিৰ উদ্বোধন কৰাৰ বিষয়ে আমি অৱগত। টাৱাৰৰ সৈতে জড়িত নিৰ্দিষ্ট বিষয়টোৰ সন্দৰ্ভত এইটো সম্পূৰ্ণৰূপে সংশ্লিষ্ট সংস্থাসমূহৰ মাজৰ বিষয়।

৭ ছেপ্টেম্বৰত আইফেল টাৱাৰৰ কৰ্মচাৰীসকলে কথিত লিংগভিত্তিক ব্যৱস্থাৰ প্ৰতিবাদত ধৰ্মঘট কৰিলে। ইয়াৰ ফলত আইফেল টাৱাৰ সাময়িকভাৱে বন্ধ হৈ পৰে। পিছত এছইটিইয়ে ব্যৱস্থাটোৰ ভুলৰ উদাহৰণ দি ক্ষমা বিচাৰিছিল। বিএপিএছেও দুখ প্ৰকাশ কৰি ক্ষমাপ্ৰাৰ্থনা জাৰি কৰে। ফ্ৰান্সত এই বিষয়ৰ তদন্ত অব্যাহত আছে।

হিন্দুস্থান সমাচাৰ / মনোজ কুমাৰ শইকীয়া