নতুন দিল্লী, ০৭ ছেপ্টেম্বৰ (হি.স.)। যাত্ৰীৰ সুবিধা আৰু অতিৰিক্ত হুলস্থুলৰ কথা মনত ৰাখি উত্তৰ ৰে’লৱেই মুজাফ্ফৰপুৰ জংচন আৰু আনন্দ বিহাৰ টাৰ্মিনেলৰ মাজত এখন ছুপাৰফাষ্ট বিশেষ এক্সপ্ৰেছ ৰে’ল চলোৱাৰ সিদ্ধান্ত লৈছে। ১১ ছেপ্টেম্বৰৰ পৰা ২৮ নৱেম্বৰলৈকে নিৰ্ধাৰিত তাৰিখত চলিব ০৫২১৯/০৫২২০ নম্বৰৰ ৰেলখন।ৰেলখনত থাকিব এয়াৰ কণ্ডিচনাৰ, শ্লীপাৰ, আৰু সাধাৰণ দ্বিতীয় শ্ৰেণীৰ ডবা।

উত্তৰ ৰেলৱেৰ মুখ্য জনসংযোগ বিষয়া হিমাংশু শেখৰ উপাধ্যায়ে সোমবাৰে জনোৱা মতে, মুজাফ্ফৰপুৰ জংচনৰ পৰা প্ৰতি শুকুৰবাৰে ১১ ছেপ্টেম্বৰৰ পৰা ২৭ নৱেম্বৰলৈ ০৫২১৯ নম্বৰৰ ৰেল মুজাফ্ফৰপুৰ-আনন্দ বিহাৰ টাৰ্মিনেল ছুপাৰফাষ্ট স্পেচিয়েল এক্সপ্ৰেছ চলিব দুয়োফালে ১২টা ভ্ৰমণ কৰা হ’ব।

০৫২১৯ নং ৰে’লখন মুজাফ্ফৰপুৰ জংচনৰ পৰা ১:৩০ বজাত ৰাওনা হ’ব আৰু পিছদিনা পুৱা ১০ বজাত হাজীপুৰ জংচন, সোণপুৰ, পাটলিপুত্ৰ, দনাপুৰ, আৰা, বাক্সাৰ, পণ্ডিত দীন দয়াল উপাধ্যায় জংচন, প্ৰয়াগৰাজ জংচন, গোবিন্দপুৰী, আৰু টুণ্ডলা জংচন হৈ আনন্দ বিহাৰ টাৰ্মিনেলত উপস্থিত হ’ব।

উভতি অহাৰ সময়ত আনন্দ বিহাৰ টাৰ্মিনেলৰ পৰা ৰাতি ১২ বজাত ৰেল নং ০৫২২০ ৰাওনা হ’ব আৰু পিছদিনা পুৱা ৯:৪৫ বজাত টুণ্ডলা, গোবিন্দপুৰী, প্ৰয়াগৰাজ জংচন, পণ্ডিত দীন দয়াল উপাধ্যায় জংচন, বাক্সাৰ, আৰা, দনাপুৰ, পাটলিপুত্ৰ, সোণপুৰ, আৰু হাজিপুৰ জংচন হৈ মুজাফ্ফৰপুৰ জংচনত উপস্থিত হ’ব।

ৰে’লৱেৰ মতে, যাত্ৰীসকলক ৰাষ্ট্ৰীয় ৰে’ল অনুসন্ধান ব্যৱস্থা (এনটিইএছ) ব্যৱহাৰ কৰিবলৈ বা ৰে’লৱেৰ হেল্পলাইন নম্বৰ ১৩৯ত যোগাযোগ কৰিবলৈ পৰামৰ্শ দিয়া হৈছে যাতে ৰে’লৰ বিশদ সময়, ষ্টপেজ, আৰু সংৰক্ষণৰ অৱস্থাৰ বাবে যোগাযোগ কৰিব পাৰে।

--------------

হিন্দুস্থান সমাচাৰ / অৰৱিন্দ