আইচি-নাগোয়া, ২৪ ছেপ্টেম্বৰ (হি.স.)। ভাৰতীয় অলিম্পিক সন্থাৰ সভাপতি পিটি উষাই ২০২৬ চনৰ এছিয়ান গেমছত পদক লাভ কৰাৰ বাবে ৱুছু খেলুৱৈ ৰোশীবিনা দেৱী আৰু নাওঁ চলোৱা যুটি সতনম সিং আৰু ছলমান খানক অভিনন্দন জনাইছে। মহিলাৰ ৬০ কেজি চান্দা প্ৰতিযোগিতাত ৰূপৰ পদক লাভ কৰে ৰোশীবিনা দেৱীয়ে।

ফাইনেলত চীনৰ জাং জিয়াওয়ুৰ হাতত ০-২ ব্যৱধানত পৰাস্ত হয়। ইয়াৰ লগে লগে ৰোশীবিনা এছিয়ান গেমছত একেৰাহে তিনিটাকৈ ৱুছু পদক লাভ কৰা প্ৰথমগৰাকী ভাৰতীয় মহিলা হিচাপে পৰিগণিত হয়। ২০১৮ চনত ব্ৰঞ্জ আৰু ২০২২ চনত ৰূপৰ পদক লাভ কৰে।

ছ'চিয়েল মিডিয়া প্লেটফৰ্ম 'এক্স'ত ৰোছিবিনাক অভিনন্দন জনাই পিটি উষাই কয়, ৬০ কেজি শাখাত ৱুছুত আন এটা ৰূপৰ পদক লাভ কৰাৰ বাবে ৰোছিবিনা দেৱীক বহুত অভিনন্দন! আপোনাৰ ঐতিহাসিক তৃতীয় পদটোৱে এই ক্ৰীড়াৰ প্ৰতি আপোনাৰ সমৰ্পণ প্ৰমাণ কৰিছে। উচ্চ লক্ষ্য ৰাখি থাকক আৰু দেশখনক গৌৰৱান্বিত কৰক!

ইফালে পুৰুষৰ ডাবল স্কালত সতনম সিং আৰু ছলমান খানে ব্ৰঞ্জৰ পদক লাভ কৰে। ভাৰতীয় যুটিটোৱে ৬ মিনিট ১৩.২৫ ছেকেণ্ড সময় দখল কৰি তৃতীয় স্থান দখল কৰে। এছিয়ান গেমছত পুৰুষৰ ডাবল স্কালছত ভাৰতৰ এয়া প্ৰথম ব্ৰঞ্জৰ পদক।

সতনম সিং আৰু ছলমান খানক অভিনন্দন জনাই পিটি উষাই কয়, পুৰুষৰ ডাবল স্কালত ভাৰতৰ প্ৰথমটো ব্ৰঞ্জৰ পদক লাভ কৰাৰ বাবে সতনম সিং আৰু ছলমান খানক অভিনন্দন! আপোনালোকৰ কঠোৰ পৰিশ্ৰমে এইটো সম্ভৱ কৰি তুলিলে। আপুনি আপোনাৰ সফলতা অব্যাহত ৰাখক আৰু দেশৰ বাবে অধিক সাফল্য লাভ কৰক!

২০২৬ চনৰ এছিয়ান গেমছত ভাৰতে এতিয়ালৈকে ১৪টা পদক লাভ কৰিছে, য’ত এটা সোণ, ৬টা ৰূপ, আৰু ৭টা ব্ৰঞ্জৰ পদক আছে।

-----------------

হিন্দুস্থান সমাচাৰ / অৰৱিন্দ